ഇന്ത്യയുമായുള്ള മത്സരത്തിലെ തോൽവി പാക്കിസ്ഥാന്റെ മനോവീര്യം തകർത്തെന്ന് പാകിസ്താൻ താരം ഫഖർ സമാൻ സമ്മതിച്ചു. ഇന്ത്യയോട് കളിക്കും മുമ്പ് വരെ അപരാജിതർ ആയിരുന്ന പാകിസ്താൻ അതിനു ശേഷം തുടർ പരാജയങ്ങൾ ഏറ്റുവാങ്ങിയിരുന്നു. ഇന്ന് ബംഗ്ലാദേശിനെ തോൽപ്പിച്ച് ആണ് പാകിസ്താൻ വിജയ വഴിയിലേക്ക് മടങ്ങിയെത്തിയത്.
“തീർച്ചയായും, ഒരു ഇന്ത്യ-പാകിസ്ഥാൻ മത്സരം വളരെ വലിയ കാര്യമാണ്. അത് ഒരു മാറ്റവും ഉണ്ടാക്കുന്നില്ലെന്ന് ഞാൻ പറഞ്ഞാൽ, അത് ശരിയാവില്ല. അതുകൊണ്ട് അങ്ങനെയൊന്നും പറയാൻ പറ്റില്ല. പക്ഷെ, ഞങ്ങൾ ബാറ്റിങ്ങിലും ബൗളിംഗിലും തിരിച്ചുവരവ് നടത്തിയെന്ന് തോന്നുന്നു.” ഫഖർ പറഞ്ഞ്
“അടുത്ത മത്സരത്തിലും നിങ്ങൾ മെച്ചപ്പെടുന്ന പാകിസ്താനെ കാണുമെന്ന് ഞാൻ പ്രതീക്ഷിക്കുന്നു. കഴിഞ്ഞ 8 വർഷമായി ഞാൻ ഈ ഡ്രസ്സിംഗ് റൂമിന്റെ ഭാഗമാണ്, അതിനാൽ ഞങ്ങൾ കൂടുതൽ കളിക്കുംതോറും ഞങ്ങൾ കൂടുതൽ മെച്ചപ്പെടുമെന്ന് എനിക്ക് തോന്നുന്നു,” ഫഖർ പറഞ്ഞു.