തങ്ങള്ക്ക് ലഭിച്ച പിച്ചിനും സൗകര്യങ്ങളിലും പരാതി പറഞ്ഞ ശ്രീലങ്കയ്ക്ക് ഐസിസിയുടെ മറുപടി. ഐസിസി ഒരു ടീമുകളെയും വേര്തിരിച്ച് കാണുന്നില്ലെന്നും മറ്റു ടീമുകളെ പോലെ ശ്രീലങ്കയ്ക്കും ഒരു സ്വതന്ത്ര പിച്ച് അഡ്വൈസറെ നിയമിച്ചിട്ടുണ്ടെന്നും അവര് ഗ്രൗണ്ടിലെ ക്യുറേറ്ററുമായി ചര്ച്ച നടത്തിയാണ് പിച്ച് തയ്യാറാക്കുന്നതെന്നും അതിനാല് തന്നെ വേര്തിരിവുണ്ടെന്ന വാദം നിലനില്ക്കില്ലെന്നും ഐസിസി പറഞ്ഞു.
മുന് ഐസിസി ഇവന്റുകളിലേത് പോലെ 2019 ലോകകപ്പിലും പിച്ചുകളില് ഈ സ്വതന്ത്ര അഡ്വൈസറുടെ നിയമനം ഉണ്ടായിട്ടുണ്ട്. ഇംഗ്ലണ്ടിലെ സാഹചര്യങ്ങളില് ഇതുവരെ ഒരുക്കിയ പിച്ചുകളില് ഞങ്ങള്ക്ക് സംതൃപ്തിയുണ്ടെന്നും ഐസിസി തങ്ങളുടെ പ്രസ്താവനയില് അറിയിച്ചു. 10 ടീമുകളെയും ഒരു പോലെ പരിഗണിച്ച് കൊണ്ടുള്ള തയ്യാറെടുപ്പുകളാണ് ഐസിസി നടത്തുന്നത്.
എന്നാല് താമസ, പരിശീലന, യാത്ര സൗകര്യങ്ങളെക്കുറിച്ചുള്ള ശ്രീലങ്കയുടെ പരാതിയിന്മേലുള്ള പ്രതികരണം ഐസിസിയുടെ ഭാഗത്ത് നിന്ന് ഇതുവരെയുണ്ടായിട്ടില്ല.