ഇന്ത്യ ലോകകപ്പ് ഫൈനലിൽ ഭയത്തോടെ അല്ല കളിച്ചത് എന്ന് ഇന്ത്യൻ പരിശീലകൻ രാഹുൽ ദ്രാവിഡ്. “ഈ ടൂർണമെന്റിൽ ഞങ്ങൾ ഭയത്തോടെയാണ് കളിച്ചതെന്ന് ഞാൻ സമ്മതിക്കില്ല. ഫൈനലിലും അതെ. ഇന്ന് ഞങ്ങൾ ആദ്യ 10 ഓവറിൽ 80 റൺസ് നേടി. ഞങ്ങൾക്ക് വിക്കറ്റുകൾ നഷ്ടപ്പെട്ടു, നിങ്ങൾക്ക് വിക്കറ്റുകൾ നഷ്ടപ്പെടുമ്പോൾ, നിങ്ങളുടെ തന്ത്രങ്ങളും ചിലപ്പോൾ മാറ്റേണ്ടിവരും.” ദ്രാവിഡ് പറഞ്ഞു.
“ടൂർണമെന്റിൽ മുഴുവനും ഞങ്ങൾ അത് കാണിച്ചു. ഇംഗ്ലണ്ടിനെതിരായ മത്സരത്തിൽ, നേരത്തെ വിക്കറ്റുകൾ നഷ്ടമായതിന് ശേഷം, ഞങ്ങൾ വ്യത്യസ്തമായ രീതിയിൽ കളിച്ചു ഈ ഫൈനൽ ഭയത്തോടെയല്ല ഞങ്ങൾ കളിച്ചത്,” രാഹുൽ ദ്രാവിഡ് അഹമ്മദാബാദിൽ മാധ്യമങ്ങളോട് പറഞ്ഞു.
“മധ്യ ഓവറുകളിൽ ഓസ്ട്രേലിയ നന്നായി പന്തെറിഞ്ഞു, ഞങ്ങൾക്ക് 3 വിക്കറ്റ് നഷ്ടമായി. ആക്രമണ ക്രിക്കറ്റ് കളിക്കാമെന്ന് ഞങ്ങൾ കരുതിയപ്പോഴെല്ലാം ഞങ്ങൾക്ക് വിക്കറ്റുകൾ നഷ്ടപ്പെട്ടു, അതിനാൽ ഞങ്ങൾക്ക് വീണ്ടും ഇന്നിംഗ്സ് പുനർനിർമ്മിക്കേണ്ടിവന്നു. ഒഫോ കൂട്ടുകെട്ട് തകരുമ്പോഴെല്ലാം, ഞങ്ങൾക്ക് കളി പുനർനിർമിക്കേണ്ടിവന്നു.” ദ്രാവിഡ് പറഞ്ഞു.