ഇന്ത്യയുടെ ഡയറി ബ്രാന്ഡായ അമുല് ലോകകപ്പില് ഏഷ്യയില് പുതിയ ക്രിക്കറ്റിംഗ് ശക്തിയായ അഫ്ഗാനിസ്ഥാനെ സ്പോണ്സര് ചെയ്യും. ഐസിസി ഏകദിന റാങ്കിംഗില് നിലവില് പത്താം സ്ഥാനത്തുള്ള ടീമാണ് അഫ്ഗാനിസ്ഥാന്. പൂര്ണ്ണ അംഗത്വം നേടിയ ശേഷമുള്ള അഫ്ഗാനിസ്ഥാന്റെ ആദ്യ ലോകകപ്പ് കൂടിയാണ് ഇത്. അമുല് എന്ന ബ്രാന്ഡില് ഗുജറാത്ത് കോ-ഓപ്പറേറ്റീവ് മില്ക്ക് മാര്ക്കറ്റിംഗ് ഫെഡറേഷനാണ് ഈ ഉല്പന്നങ്ങള് മാര്ക്കറ്റിലെത്തിക്കുന്നത്.
20 വര്ഷത്തിലേറെയായി അഫ്ഗാനിസ്ഥാനിലേക്ക് തങ്ങളുടെ ഉല്പന്നങ്ങള് കയറ്റി അയയ്ക്കുന്ന അമുല് അഫ്ഗാനിസ്ഥാനിലെ യുവജനങ്ങളുമായി ബന്ധം സ്ഥാപിക്കുവാനുള്ള ഏറ്റവും മികച്ച അവസരമായാണ് ലോകകപ്പിനെ കാണുന്നത്. 9 മത്സരങ്ങള് ലോകകപ്പില് അഫ്ഗാനിസ്ഥാന് കളിയ്ക്കുമ്പോള് അത് അമുലിനും ഗുണം ചെയ്യുമെന്നാണ് അമുലിന്റെ വക്താക്കള് പറയുന്നത്.
ജൂണ് ഒന്നിന് ഓസ്ട്രേലിയയാണ് അഫ്ഗാനിസ്ഥാന്റെ ആദ്യ എതിരാളികള്.