അഫ്ഗാനിസ്ഥാനെതിരെ ന്യൂസിലാണ്ട് നേടിയത് മികച്ച വിജയമാണെന്ന് പറഞ്ഞ് കെയിന് വില്യംസണ്. അഫ്ഗാനിസ്ഥാന് നിരയില് രണ്ട് മൂന്ന് ലോകോത്തര താരങ്ങളുണ്ട്, അവരില് ചിലരുമായി ഞാന് കുറ്ച്ച് വര്ഷങ്ങളായി കളിച്ചിട്ടുണ്ട്. ഇന്ന് അവര്ക്ക് മികച്ച തുടക്കമാണ് ലഭിച്ചതെങ്കിലും ഞങ്ങളുടെ ബൗളര്മാര് മികച്ച തിരിച്ചുവരവാണ് നടത്തിയതെന്നും കെയിന് വില്യംസണ് പറഞ്ഞു.
മധ്യ ഓവറുകളിലെ സമ്മര്ദ്ദത്തെ അതിജീവിക്കുവാന് അഫ്ഗാനിസ്ഥാന് കഴിഞ്ഞില്ലെന്നും ലോക്കി ഫെര്ഗൂസണും ജെയിംസ് നീഷവും മികച്ച രീതിയില് പന്തെറിഞ്ഞ് വിക്കറ്റുകളുമായി എത്തിയപ്പോള് കാര്യങ്ങള് ന്യൂസിലാണ്ടിനു അനായാസമായി. അഫ്ഗാനിസ്ഥാന്റെ ഓപ്പണിംഗ് ബൗളര്മാരും മികച്ച രീതിയിലാണ് പന്തെറിഞ്ഞത്, അതിനാല് തന്നെ ബാറ്റിംഗ് ദുഷ്കരമായിരുന്നു.
എന്നാല് മധ്യ ഓവറുകളില് സമ്മര്ദ്ദം സൃഷ്ടിക്കുന്നതില് ടീമിനു പിഴവ് പറ്റിയെന്നും റഷീദ് ഖാന്റെ സേവനമില്ലാതിരുന്നത് ടീമിനു വലിയ തിരിച്ചടിയായെന്നും കെയിന് വില്യംസണ് പറഞ്ഞു. മൂന്ന് മത്സരങ്ങളില് നിന്ന് മൂന്ന് വിജയവുമായി നില്ക്കുവാനാകുന്നത് തന്നെ മികച്ച കാര്യമാണെന്നും ന്യൂസിലാണ്ട് നായകന് പറഞ്ഞു.