ഇംഗ്ലണ്ടിനായി അരങ്ങേറ്റം കുറിച്ചിട്ട് ചുരുക്കം ചില മത്സരങ്ങള് മാത്രമേ ആയിട്ടുള്ളുവെങ്കിലും കളിച്ച മത്സരങ്ങളിലെല്ലാം ബാറ്റ്സ്മാന്മാരെ വെള്ളം കുടിപ്പിച്ച ജോഫ്ര ആര്ച്ചറിനും ഇന്ന് കാര്യങ്ങള് പിഴച്ചു. താരത്തിന്റെ പത്തോവര് സ്പെല്ലിന്റെ തുടക്കം ഗംഭീരമായിരുന്നുവെങ്കിലും പിന്നീട് പാക് ബാറ്റ്സ്മാന്മാര് മത്സരത്തില് പിടിമുറുക്കിയതോടെ ജോഫ്ര ആര്ച്ചര്ക്ക് തലങ്ങും വിലങ്ങും തല്ല് കിട്ടുകയായിരുന്നു.
പത്തോവറില് നിന്ന് 79 റണ്സാണ് ജോഫ്ര വഴങ്ങിയത്. 5 വൈഡ് എറിഞ്ഞ താരത്തിനു ഒരു വിക്കറ്റ് പലും ലഭിച്ചില്ല. എട്ടോവര് എറിഞ്ഞ ക്രിസ് വോക്സും 5 ഓവര് എറിഞ്ഞ ആദില് റഷീദുമാണ് ജോഫ്രയെക്കാള് മോശം എക്കണോമിയില് പന്തെറിഞ്ഞതെങ്കിലും ജോഫ്രയുടെ കഴിവുള്ള താരത്തില് നിന്നും ഇത്തരം പ്രകടനം ഇംഗ്ലണ്ട് ഒരിക്കലും പ്രതീക്ഷിച്ചതല്ല എന്ന് വേണം പറയുവാന്. അന്താരാഷ്ട്ര ക്രിക്കറ്റില് ഏത് താരത്തിനും മോശം ദിവസം ഉണ്ടാകുമെന്നും അതില് നിന്ന് ജോഫ്ര ശക്തമായ തിരിച്ചുവരവ് നടത്തുമെന്ന് തന്നെ ക്രിക്കറ്റ് ആരാധകര്ക്ക് പ്രതീക്ഷിയ്ക്കാം.