ലോകകപ്പില്‍ തുടര്‍ച്ചയായ നാലാം മത്സരത്തിലും 50ലധികം റണ്‍സ് നേടുന്ന ആദ്യ ഏഷ്യന്‍ നായകന്‍, പട്ടികയില്‍ ഗ്രെയിം സ്മിത്തിനും ആരോണ്‍ ഫിഞ്ചിനുമൊപ്പം കോഹ്‍ലി

- Advertisement -

ലോകകപ്പ് മത്സരങ്ങളില്‍ തുടര്‍ച്ചയായ നാലാം മത്സരത്തില്‍ 50ലധികം റണ്‍സ് നേടുന്ന ക്യാപ്റ്റന്മാരുടെ പട്ടികയിലേക്ക് വിരാട് കോഹ്‍ലിയും. 2007ല്‍ ഗ്രെയിം സ്മിത്തും 2019ല്‍ ആരോണ്‍ ഫിഞ്ചും ഈ നേട്ടം സ്വന്തമാക്കിയപ്പോള്‍ ഇന്ന് വിന്‍ഡീസിനെതിരെ നേടിയ അര്‍ദ്ധ ശതകത്തോടെ ഇവര്‍ക്കൊപ്പം വിരാട് കോഹ്‍ലിയും എത്തി.

കോഹ്‍ലി ഈ നേട്ടം കൊയ്യുന്ന ആദ്യത്തെ ഏഷ്യന്‍ നായകനുമായി. 31 ഓവര്‍ പിന്നിടുമ്പോള്‍ മത്സരത്തില്‍ ഇന്ത്യ 150/4 എന്ന നിലയിലാണ് നിലകൊള്ളുന്നത്. ലോകകപ്പില്‍ ഇന്ത്യയ്ക്കായി തുടര്‍ച്ചയായ നാല് 50ലധികം റണ്‍സ് ഇന്നിംഗ്സുമായി എത്തുന്ന മൂന്നാമത്തെ താരവുമാണ് വിരാട് കോഹ്‍ലി. 1987ല്‍ നവ്ജോത് സിംഗ് സിദ്ധു, 1996, 2003 വര്‍ഷങ്ങളില്‍ സച്ചിന്‍ ടെണ്ടുല്‍ക്കര്‍ എന്നിവരാണ് മുമ്പ് ഈ നേട്ടം കൈവരിച്ചിട്ടുള്ള താരങ്ങള്‍.

Advertisement