മൂന്ന് വര്‍ഷത്തെ കഠിനാധ്വാനത്തിന്റെ ഫലം – ക്രിക്കറ്റ് നമീബിയ പ്രസിഡന്റ്

Namibia

നെതര്‍ലാണ്ട്സിനെയും അയര്‍ലണ്ടിനെയും മറികടന്ന് ടി20 ലോകകപ്പിന്റെ സൂപ്പര്‍ 12ലേക്ക് യോഗ്യത നേടിയ നമീബിയയുടെ കഠിനാധ്വാനത്തിന്റെ ഫലമാണ് ഈ നേട്ടമെന്ന് പറഞ്ഞ് ക്രിക്കറ്റ് നമീബിയയുടെ പ്രസിഡന്റ് റൂഡി വാന്‍ വൂറന്‍.

തന്റെ കരിയറിലെ ഏറ്റവും വലിയ നേട്ടം 2003 ഐസിസി ലോകകപ്പിൽ സച്ചിന്‍ ടെണ്ടുല്‍ക്കറെ പുറത്താക്കിയതാണെന്നും എന്നാൽ അത് ഇന്നലെ വരെയുള്ള നേട്ടമാണെന്നും ഇന്ന് നമീബിയന്‍ ക്രിക്കറ്റിന്റെ ഏറ്റവും വലിയ നേട്ടം ടി20 ലോകകപ്പിൽ നടത്തിയ മുന്നേറ്റം ആണെന്നും റൂഡി വ്യക്തമാക്കി.

അസോസ്സിയേറ്റ് അംഗായ നമീബിയ ആദ്യമായാണ് ഒരു ഫുള്‍ ടൈം മെമ്പര്‍ക്കെതിരെ വിജയം കരസ്ഥമാക്കുന്നത്. മൂന്ന് വര്‍ഷം മുമ്പ് പുതിയ ബോര്‍ഡിന്റെ കീഴിൽ നമീബിയന്‍ ക്രിക്കറ്റിൽ വരുത്തിയ മാറ്റങ്ങളുടെ ഫലമാണ് ഇപ്പോള്‍ കാണുന്നതെന്നാണ് റൂഡി വ്യക്തമാക്കി.

ഐസിസി തങ്ങളെ കോര്‍പ്പറേറ്റ് ഭരണത്തിനായുള്ള കേസ് സ്റ്റഡി ആയാണ് കണക്കാക്കുന്നതെന്നാണ് നമീബിയന്‍ ബോര്‍ഡ് പ്രസിഡന്റ് പറഞ്ഞത്. ഇത് കൂടാതെ അടുത്ത വര്‍ഷം ഓസ്ട്രേലിയയിൽ നടക്കുന്ന ടി20 ലോകകപ്പിലേക്കുള്ള നേരിട്ടുള്ള യോഗ്യതയും ടീം ഉറപ്പാക്കിയിട്ടുണ്ട്.

Previous articleഐ ലീഗിലേക്ക് പുതുതായി ആര്, രാജസ്ഥാൻ യുണൈറ്റഡും കെങ്ക്രെയും ഇന്ന് കലാശ പോരിന് ഇറങ്ങുന്നു
Next articleഅന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ച് റയാന്‍ ടെന്‍ ഡോഷാറ്റെ