ഫകര്‍ സമന്‍ ടീമിനായി നിര്‍ണ്ണായക സേവുകള്‍ നടത്തുന്നു – മാത്യു ഹെയ്ഡന്‍

Sports Correspondent

Download the Fanport app now!
Appstore Badge
Google Play Badge 1

ബാറ്റിംഗ് ഫോമിലല്ലെങ്കിലും പാക്കിസ്ഥാന്‍ ടീമിൽ നിര്‍ണ്ണായക സംഭാവനകളാണ് ഫകര്‍ സമന്‍ നല്‍കുന്നതെന്ന് പറഞ്ഞ് ടീം ബാറ്റിംഗ് കോച്ച് മാത്യു ഹെയ്ഡന്‍. നാല് ഇന്നിംഗ്സുകളിൽ താരം 54 റൺസാണ് നേടിയിട്ടുള്ളത്. അതേ സമയം ഫീൽഡിംഗിൽ ഓരോ മത്സരത്തിലും 5-10 റൺസ് വരെ താരം സേവ് ചെയ്യുന്നുണ്ടെന്നും അതിനാൽ തന്നെ ടീമിലെ നിര്‍ണ്ണായക താരമാണ് ഫകര്‍ സമന്‍ എന്നും ഹെയ്ഡന്‍ പറഞ്ഞു.

താരം ഫോമിലേക്ക് മടങ്ങിയെത്തുവാന്‍ അധിക സമയം ഒന്നുമില്ലെന്നും അതിനാൽ തന്നെ തനിക്ക് താരത്തിന്റെ ഫോം ഔട്ടിനെക്കുറിച്ച് വലിയ ചിന്തയില്ലെന്നും ഹെയ്ഡന്‍ സൂചിപ്പിച്ചു. പാക്കിസ്ഥാന് ആഡം സംപയ്ക്കെതിരെ മികവ് പുലര്‍ത്തുവാന്‍ ഫകര്‍ സമന്റെ സാന്നിദ്ധ്യം ഗുണം ചെയ്യുമെന്നും ഹെയ്ഡന്‍ വ്യക്തമാക്കി.