യുഎഇയുടെ മലയാളി താരങ്ങള്‍ തിളങ്ങി!!! ജയിക്കുവാന്‍ നമീബിയയ്ക്ക് 149 റൺസ്

Sports Correspondent

Uaenamibia
Download the Fanport app now!
Appstore Badge
Google Play Badge 1

നമീബിയയ്ക്കെതിരെ ടി20 ലോകകപ്പിലെ ഗ്രൂപ്പ് എയിലെ അവസാന മത്സരത്തിൽ 148/3 എന്ന സ്കോര്‍ നേടി യുഎഇ. ക്യാപ്റ്റന്‍ സിപി റിസ്വാന്റെ 29 പന്തിൽ നിന്നുള്ള 43 റൺസ് പ്രകടനത്തിനൊപ്പം മറ്റൊരു മലയാളി താരമായ ബേസിൽ ഹമീദ് 14 പന്തിൽ 25 റൺസും നേടിയാണ് ടീമിന് അവസാന ഓവറുകളിൽ മികച്ച സ്കോര്‍ നേടുവാന്‍ സഹായിച്ചത്.

ഓപ്പണര്‍ മുഹമ്മദ് വസീം 41 പന്തിൽ 50 റൺസ് നേടി പുറത്താകുകയായിരുന്നു. ജയിച്ചാൽ നമീബിയയ്ക്ക് ഗ്രൂപ്പിലെ ഒന്നാം സ്ഥാനക്കാരായി അടുത്ത റൗണ്ടിലേക്ക് കടക്കാം. യുഎഇ വിജയിച്ചാൽ നെതര്‍ലാണ്ട്സ് ഗ്രൂപ്പ് ഘട്ടം കടക്കും.

നിലവിൽ ശ്രീലങ്ക ഗ്രൂപ്പിൽ ഒന്നാം സ്ഥാനത്തും നമീബിയ മൂന്നാം സ്ഥാനത്തുമാണുള്ളത്. വിജയിച്ചാൽ റൺ റേറ്റിന്റെ ബലത്തിൽ ഗ്രൂപ്പിലെ ഒന്നാം സ്ഥാനക്കാരാകുവാന്‍ നമീബിയയ്ക്ക് സാധിക്കും.