ലോകകപ്പിലെ നിർണായക മത്സരത്തിൽ നെതർലന്റ്സിനെ നേരിടുന്ന ശ്രീലങ്ക ആദ്യ ഇന്നിങ്സിൽ 162/6 റൺസ് എടുത്തു. ഓപ്പണർ കുശാൽ മെൻഡിസിന്റെ ഇന്നിങ്സ് ആണ് ശ്രീലങ്കയ്ക്ക് ഭേദപ്പെട്ട സ്കോർ നൽകിയത്‌. 44 പന്തിൽ നിന്ന് 79 റൺസ് മെൻഡിസ് ഇന്ന് അടിച്ചു. നാലു ഫോറും നാലു സിക്സും ഈ ഇന്നിങ്സിൽ ഉണ്ടായിരുന്നു.
31 റൺസ് എടുത്ത അസലങ്ക ആണ് ശ്രീലങ്കൻ നിരയിൽ തിളങ്ങിയ മറ്റൊരു താരം. രജപക്ഷ 19ഉം നിസങ്ക 14ഉം റൺസ് എടുത്തു. നെതർലന്റ്സിനായി മീകെരനും ലീഡെയും രണ്ട് വിക്കറ്റുകൾ വീതം വീഴ്ത്തി.
