ടി20 ലോകകപ്പ് സന്നാഹ മത്സരങ്ങൾ പ്രഖ്യാപിച്ചു, ഇന്ത്യ ഓസ്ട്രേലിയയെയും ന്യൂസിലൻഡിനെയും നേരിടും

ഐസിസി പുരുഷ ടി20 ലോകകപ്പ് 2022ന് മുന്നോടിയായി നടക്കുന്ന സന്നാഹ മത്സരങ്ങളുടെ ഫിക്സ്ചർ ഐ സി സി പ്രഖ്യാപിച്ചു. ഇന്ത്യ രണ്ട് മത്സരങ്ങൾ കളിക്കും. ഓസ്ട്രേലിയക്ക് എതിരെയും ന്യൂസിലൻഡിനെതിരെയും ആകും ഇന്ത്യയുടെ സന്നാഹ മത്സരങ്ങൾ. നാലു സന്നാഹ മത്സരങ്ങൾ സ്റ്റാർസ്പോർട്സിൽ തത്സമയം കാണാൻ ആകും.

ബ്രിസ്‌ബേനിലും മെൽബണിലും ആയാകും മത്സരങ്ങൾ നടക്കുക. ഇന്ത്യ ഒക്ടോബർ 17ആം തീയതി ഓസ്ട്രേലിയൻ ടീമിനെയും 19ന് ന്യൂസിലൻഡ് ടീമിനെയും നേരിടും.