ലോകകപ്പില്‍ തുടര്‍ച്ചയായ രണ്ടാം ദിവസവും മഴയുടെ ഭീഷണി. ഇന്നത്തെ രണ്ടാമത്തെ മത്സരമായ അഫ്ഗാനിസ്ഥാന്-ന്യൂസിലാണ്ട് മത്സരമാണ് മഴ മൂലം തടസ്സപ്പെട്ടിരിക്കുന്നത്. 20 ഓവറില്‍ 84/4 എന്ന നിലയില്‍ ആദ്യം ബാറ്റ് ചെയ്യുന്ന അഫ്ഗാനിസ്ഥാന് നില്‍ക്കവെയാണ് മഴ വില്ലനായി എത്തിയത്. ശക്തമായ കാറ്റുള്ളതിനാല്‍ മഴ വേഗം മാറി കളി നടക്കുമെന്നാണ് പ്രതീക്ഷിക്കപ്പെടുന്നത്.
അഫ്ഗാനിസ്ഥാന് വേണ്ടി ഹസ്മത്തുള്ള ഷഹീദി 7 റണ്‍സുമായും ഓള്‍റൗണ്ടര്‍ മുഹമ്മദ് നബി 6 റണ്‍സുമായാണ് ക്രീസില്‍ നില്‍ക്കുന്നത്. 66/0 എന്ന നിലയില്‍ നിന്ന് 70/4 എന്ന നിലയിലേക്ക് നാല് റണ്‍സ് എടുക്കുന്നതിനിടെ നാല് വിക്കറ്റ് വീണ് പ്രതിരോധത്തിലായ അഫ്ഗാനിസ്ഥാനെ തിരിച്ചുവരവിന്റെ പാതയിലേക്ക് നയിക്കുകയാണ് ഷഹീദി-നബി കൂട്ടുകെട്ട്. 14 റണ്‍സാണ് ഇരുവരും ചേര്‍ന്ന് ഇപ്പോള്‍ നേടിയിട്ടുള്ളത്.
