“കളിയാക്കി മതിയായില്ലേ”, സ്റ്റാർ സ്പോർട്സിനെതിരെ പരാതിയുമായി പാകിസ്ഥാൻ

സ്റ്റാർ സ്പോർട്സ് സംപ്രേഷണം ചെയുന്ന ലോകകപ്പിനോട് അനുബന്ധിച്ചുള്ള പരസ്യത്തിനെതിരെ ഐസിസിക്ക് പരാതി നൽകി പാകിസ്‌താൻ ക്രിക്കറ്റ് ബോർഡ്. ലോകകപ്പിൽ നടന്ന ഇന്ത്യ – പാകിസ്ഥാൻ മത്സരത്തിന് മുന്നോടിയായി സംപ്രേഷണം ചെയ്ത പരസ്യത്തിന് എതിരെയാണ് പിസിബി പരാതി നൽകിയിരിക്കുന്നത്.

2015 ലോകകപ്പ് സമയത്ത് പുറത്തിറക്കിയ മോക്കാ മോക്കാ സീരീസിന് തുടർച്ചയായാണ് സ്റ്റാർ സ്പോർട്‌സ് ഇപ്രവശ്യവും പരസ്യം ഇറക്കിയത്. 2015ൽ വളരെ ഹിറ്റ് ആയ പരസ്യത്തിന്റെ തുടർച്ചയായി ഇറക്കിയ പരസ്യം പക്ഷെ പാകിസ്ഥാൻ ജനതയെ മുഴുവൻ കളിയാക്കി ചിത്രീകരിക്കുന്നു എന്നാണ് പിസിബിയുടെ വാദം.

ഒരു പാകിസ്ഥാൻ ആരാധകൻ ബംഗ്ലാദേശ് ആരാധകനോട് സംസാരിക്കുന്നതാണ് പരസ്യത്തിന്റെ തുടക്കം. ഒരിക്കലും തോറ്റ് കൊടുക്കരുത് എന്നു എന്റെ പിതാവ് പറഞ്ഞിട്ടുണ്ട് എന്നു പാകിസ്ഥാൻ ആരാധകൻ ബംഗ്ലാദേശി ആരാധകനോട് പറയുമ്പോൾ ഇന്ത്യൻ ആരാധകൻ വന്നു ഞാൻ അങ്ങനെ പറഞ്ഞിട്ടില്ല എന്നു പറയുന്നു. പാകിസ്ഥാന്റെ പിതാവാണ് ഇന്ത്യക്കാർ എന്നാണ് സ്റ്റാർ പറയാതെ പറഞ്ഞത്.

ലോകകപ്പിന്റെ ഓഫിഷ്യൽ സംപ്രേക്ഷകരായ സ്റ്റാർ ഇങ്ങനത്തെ പരസ്യം നൽകരുത് എന്നാണ് പിസിബിയുടെ ആവശ്യം. ഐസിസി സ്റ്റാർ സ്പോർട്സ് അധികൃതരുമായി ചർച്ച നടത്തി എന്നാണ് റിപോർട്ടുകൾ.

Previous article“പാകിസ്ഥാൻ ക്യാപ്റ്റൻ സർഫറാസ് ബുദ്ധിശൂന്യൻ”
Next articleവനിതാ ലോകകപ്പ്, വമ്പൻ ജയത്തോടെ ജർമ്മനി ഗ്രൂപ്പ് ചാമ്പ്യൻസ്