ഇത് ബംഗ്ലാദേശിന്റെ മികച്ച വിജയങ്ങളിലൊന്ന്

- Advertisement -

ദക്ഷിണാഫ്രിക്കയ്ക്കെതിരെ നേടിയ 21 റണ്‍സിന്റെ വിജയം ടീമിന്റെ മികച്ച വിജയങ്ങളിലൊന്നെന്ന് ഷാക്കിബ് അല്‍ ഹസന്‍. മത്സരത്തിലെ മാന്‍ ഓഫ് ദി മാച്ചായി തിരഞ്ഞെടുക്കപ്പെട്ട ശേഷം സംസാരിക്കുകയായിരുന്നു ഷാക്കിബ് അല്‍ ഹസന്‍. 75 റണ്‍സും ഒരു വിക്കറ്റും നേടിയ ഷാക്കിബ് നിര്‍ണ്ണായക പ്രകടനമാണ് മത്സരത്തില്‍ കാഴ്ചവെച്ചത്.

ലോകകപ്പില്‍ ഇതിനു മുമ്പും പല അട്ടിമറികള്‍ തങ്ങള്‍ നടത്തിയിട്ടുണ്ടെങ്കിലും ഇത്തവണ തങ്ങള്‍ മികച്ച ടീമാണെന്ന് തെളിയിക്കേണ്ടതുണ്ടായിരുന്നുവെന്നും ഷാക്കിബ് പറഞ്ഞു. ഇതിലും മികച്ച തുടക്കം തങ്ങള്‍ക്ക് ലഭിക്കില്ലെന്ന് പറഞ്ഞ ഷാക്കിബ് ടീം ഇവിടെ എത്തുന്നതിനു മുമ്പ് തന്നെ ഇത്തരം ഒരു തുടക്കം നേടാനാകുമെന്ന വിശ്വാസമുണ്ടായിരുന്നുവെന്ന് പറഞ്ഞു.

രണ്ട് വര്‍ഷം താന്‍ വോര്‍സെസ്റ്റര്‍ഷയറിനു വേണ്ടി കളിച്ചിട്ടുള്ളതാണെന്നും അതിനാല്‍ തന്നെ ഈ സാഹചര്യങ്ങള്‍ തങ്ങള്‍ക്ക് പരിചിതമുള്ളതാണ്. കൂടാതെ 2017 ചാമ്പ്യന്‍സ് ട്രോഫിയും ഇവിടെ കളിച്ചിട്ടുള്ളത് ഗുണം ചെയ്തുവെന്നും ഷാക്കിബ് പറഞ്ഞു. തനിയ്ക്കും ഷാക്കിബിനും ഒരു മികച്ച കൂട്ടുകെട്ട് പുറത്തെടുക്കുന്നതിന്റെ അനിവാര്യതയെക്കുറിച്ച് വ്യക്തമായ ബോധമുണ്ടായിരുന്നുവെന്നും ഷാക്കിബ് പറഞ്ഞു.

Advertisement