ടീമിലെ തന്റെ സ്ഥാനം സുരക്ഷിതമല്ല, അടുത്ത കളിയില്‍ താന്‍ ചിലപ്പോള്‍ ടീമില്‍ കണ്ടില്ലെങ്കിലും അത്ഭുതമില്ല

Sayooj

Download the Fanport app now!
Appstore Badge
Google Play Badge 1

തന്റെ കരിയറിലെ തന്നെ ഏറ്റവും മികച്ച ഇന്നിംഗ്സ് കളിച്ചുവെങ്കിലും കഴിഞ്ഞ രണ്ട് മത്സരങ്ങളില്‍ നിന്ന് വിക്കറ്റ് ലഭിക്കാത്തതിനാല്‍ തന്റെ ടീമിലെ സ്ഥാനം സുരക്ഷിതമല്ലെന്ന് പറഞ്ഞ് നഥാന്‍ കോള്‍ട്ടര്‍ നൈല്‍. വിന്‍ഡീസിനെതിരെ 60 പന്തില്‍ നിന്ന് 92 റണ്‍സ് നേടിയെങ്കിലും ഓസ്ട്രേലിയയുടെ രണ്ട് മത്സരങ്ങളില്‍ നിന്ന് താരത്തിനു വിക്കറ്റൊന്നും നേടാനായിരുന്നില്ല.

താന്‍ ടീമിലുള്ളത് ബൗളറായിട്ടാണെന്നും വിക്കറ്റെടുക്കുകയാണ് തന്റെ ലക്ഷ്യമെന്നും അതിനു സാധിക്കാത്തതിനാല്‍ തന്റെ സ്ഥാനം തന്നെ നഷ്ടമായേക്കുമെന്നും അതില്‍ തനിക്ക് അത്ഭുതമൊന്നുമില്ലെന്നും കോള്‍ട്ടര്‍-നൈല്‍ പറഞ്ഞു. തന്നെ ടീമിലെടുത്തത് റണ്‍സ് എടുക്കാനല്ല, അതിനാണ് ടോപ് ഓര്‍ഡര്‍ അവിടെയുള്ളതെന്നും കോള്‍ട്ടര്‍-നൈല്‍ പറഞ്ഞു.

മിച്ചല്‍ സ്റ്റാര്‍ക്കും പാറ്റ് കമ്മിന്‍സും അടങ്ങിയ ഓസ്ട്രേലിയന്‍ പേസ് ബൗളിംഗിന് കരുത്ത് പകരുവാന്‍ ജേസണ്‍ ബെഹ്രെന്‍ഡോര്‍ഫും കെയിന്‍ റിച്ചാര്‍ഡ്സണുമാണ് ഇപ്പോള്‍ ബെഞ്ചിലിരിക്കുന്ന താരങ്ങള്‍. ഇവരില്‍ ആരെങ്കിലും തന്റെ സ്ഥാനം എടുത്തേക്കാമെന്നാണ് കോള്‍ട്ടര്‍ നൈല്‍ പറയുന്നത്. ഇത്തരം മത്സരം ടീമിനുള്ളില്‍ നല്ലതാണെന്നും അത് തങ്ങളുടെ മികച്ച പ്രകടനം പുറത്തെടുക്കുവാന്‍ സഹായിക്കുമെന്നും ഓസ്ട്രേലിയന്‍ താരം പറഞ്ഞു.