അമിത പ്രതീക്ഷകളില്ല, ഭയപ്പാടില്ലാതെ ക്രിക്കറ്റ് കളിയ്ക്കുക എന്നത് മാത്രം ലക്ഷ്യം

- Advertisement -

ടൂര്‍ണ്ണമെന്റ് ആരംഭത്തിനായുള്ള കാത്തിരിപ്പ് അവസാനിച്ചത് തന്നെ ഏറെ ആശ്വാസകരമായ കാര്യമാണെന്ന് പറഞ്ഞ് വിന്‍ഡീസ് നായകന്‍ ജേസണ്‍ ഹോള്‍ഡര്‍. തങ്ങള്‍ക്ക് വിജയത്തോടെ ആരംഭിക്കണമെന്ന് ആഗ്രഹമുണ്ടായിരുന്നു, അതിനു സാധിച്ചതില്‍ സന്തോഷം. ആദ്യ മത്സരത്തിന്റെ ആകാംക്ഷ ഏറെയുണ്ടായിരുന്നുവെന്നും ടൂര്‍ണ്ണമെന്റ് തുടങ്ങിയത് തന്നെ ഏറെ ആശ്വാസം നല്‍കുന്നുവെന്നും ജേസണ്‍ ഹോള്‍ഡര്‍ പറഞ്ഞു.

താന്‍ നേരത്തെ പത്ര സമ്മേളനത്തില്‍ പറഞ്ഞത് പോലെ വലിയ പ്രതീക്ഷകളൊന്നും താന്‍ വെച്ച് പുലര്‍ത്തുന്നില്ല, ഓരോ മത്സരവും ആസ്വദിച്ച് കളിയ്ക്കുക എന്നത് മാത്രമാണ് തന്റെ ടീമിന്റെ ലക്ഷ്യം. ഭയപ്പാടില്ലാതെ ക്രിക്കറ്റ് കളിയ്ക്കുക നാട്ടിലെ ആരാധകര്‍ക്ക് ഈ ടീമിനെക്കുറിച്ച് അഭിമാനം തോന്നിപ്പിക്കണം എന്നത് മാത്രമാണ് ലക്ഷ്യമെന്ന് ജേസണ്‍ ഹോള്‍ഡര്‍ വ്യക്തമാക്കി.

Advertisement