പരിശീലനത്തിനിടെ പരിക്കേറ്റ വിജയ് ശങ്കറിന്റെ കാര്യത്തില്‍ അധികം ആശങ്ക വേണ്ടെന്ന് അറിയിച്ച് ബിസിസിഐ. താരത്തിനെ സ്കാനിംഗുകള്‍ക്ക് വിധേയനാക്കിയപ്പോള്‍ പൊട്ടലുകളൊന്നും കണ്ടില്ലെന്നും താരത്തിന്റെ പുരോഗതിയ്ക്കായി ബിസിസിഐ മെഡിക്കല്‍ ടീം സഹായിക്കുമെന്ന് താരത്തിനെ രണ്ടാം സന്നാഹ മത്സരത്തിലോ അതല്ലെങ്കിലും ഇന്ത്യയുടെ ഉദ്ഘാടന മത്സരത്തിനോ സജ്ജമാക്കുവാനുള്ള ശ്രമങ്ങള്‍ മെഡിക്കല്‍ ടീം തുടരുമെന്നും ബിസിസിഐ അറിയിച്ചു.
ഇന്ത്യയുടെ നാലാം നമ്പര്‍ സ്ഥാനത്തേക്ക് പരിഗണിക്കപ്പെടുന്ന താരമാണ് വിജയ് ശങ്കര്‍. അമ്പാട്ടി റായിഡുവിനെ പിന്തള്ളിയാണ് ഇന്ത്യയുടെ ലോകകപ്പ് സ്ക്വാഡില്‍ താരം ഇടം പിടിച്ചത്.
