ഇന്ത്യയുടെ നെറ്റ്സില്‍ പന്തെറിയാന്‍ റോയല്‍ ചലഞ്ചേഴ്സ് ബാംഗ്ലൂര്‍ താരം എത്തി

ഇന്ത്യയുടെ ലോകകപ്പിനുള്ള സ്റ്റാന്‍ഡ് ബൈ താരങ്ങളില്‍ ഒരാളായ നവ്ദീപ് സൈനി ഇന്ത്യന്‍ ടീമിനൊപ്പം നെറ്റ്സ് ബൗളറായി ചേര്‍ന്നു. താരം മാഞ്ചെസ്റ്ററില്‍ എത്തിയെന്ന് ബിസിസിഐ ആണ് ഇന്നലെ പ്രഖ്യാപിച്ചത്. ഭുവനേശ്വര്‍ കുമാര്‍ പരിക്കില്‍ നിന്ന് ഭേദപ്പെട്ട് വരുന്ന സാഹചര്യത്തിലാണ് നെറ്റ്സില്‍ മികച്ച ബൗളിംഗ് പരിശീലനം ലഭിയ്ക്കുന്നതിനായി സൈനിയുടെ സേവനം ബിസിസിഐ തേടിയത്.

ഡല്‍ഹിയ്ക്ക് വേണ്ടി രഞ്ജിയിലും പിന്നീട് ഐപിഎലില്‍ ബാംഗ്ലൂര്‍ റോയല്‍ ചലഞ്ചേഴ്സിന് വേണ്ടിയും മികച്ച പ്രകടനമാണ് താരം നടത്തിയത്. ജൂണ്‍ 16ന് പാക്കിസ്ഥാനെതിരെ നടന്ന മത്സരത്തിനിടെയാണ് ഭുവനേശ്വര്‍ കുമാര്‍ പരിക്കേറ്റ് പിന്മാറിയത്. താരം ഇപ്പോളും പരിക്കില്‍ നിന്ന് പൂര്‍ണ്ണമായി മോചിതനായിട്ടില്ലെന്നും എട്ട് ദിവസത്തിനുള്ളില്‍ താരത്തിന്റെ കാര്യത്തില്‍ ഒരു തീരുമാനം ഉണ്ടാകുമെന്നുമാണ് ഇന്ത്യന്‍ ടീം മാനേജ്മെന്റ് പറഞ്ഞത്.

എന്നാല്‍ ഇന്ത്യ എ ടീമിനൊപ്പം ചേരുവാന്‍ ഖലീല്‍ അഹമ്മദിനെ റിലീസ് ചെയ്തതിനാല്‍ ഇന്ത്യയ്ക്ക് ഗുണമേന്മയുള്ള പേസ് ബൗളര്‍മാര്‍ നെറ്റിസ്ല ‍ഇല്ലാതെ പോകുകയായിരുന്നു ഇതിനോടൊപ്പം ഭുവിയുടെ പരിക്ക് കൂടിയായപ്പോള്‍ ഇന്ത്യന്‍ ബാറ്റ്സ്മാന്മാര്‍ക്ക് നെറ്റ്സില്‍ മികച്ച ബൗളര്‍മാരുടെ അഭാവം അനുഭവപ്പെടുകയായിരുന്നു.