ജേസണ്‍ റോയിയ്ക്ക് വിലക്കില്ല, പിഴ മാത്രം

Sports Correspondent

Download the Fanport app now!
Appstore Badge
Google Play Badge 1

ഇന്നലെ ഇംഗ്ലണ്ട് ഓസ്ട്രേലിയ സെമി ഫൈനല്‍ മത്സരത്തിനിടെ തെറ്റായ തീരുമാനത്തില്‍ തന്നെ പുറത്താക്കിയതിലെ അമര്‍ഷം മറച്ച് വയ്ക്കാതെ തീരുമാനം അനുസരിക്കാതെ നിന്ന ജേസണ്‍ റോയിയ്ക്കെതിരെ ഐസിസിയുടെ നടപടി. എന്നാല്‍ ഇംഗ്ലണ്ട് ഭയപ്പെട്ട രീതിയില്‍ താരത്തിനെ ഫൈനലില്‍ നിന്ന് വിലക്കുന്നില്ല പകരം 30% മാച്ച് ഫീസ് പിഴയായി ഈടാക്കുവാനാണ് ഐസിസിയുടെ തീരുമാനം. ഇത് കൂടാതെ രണ്ട് ഡിമെറിറ്റ് പോയിന്റും താരത്തിനുമേല്‍ ചുമത്തിയിട്ടുണ്ട്.

65 പന്തില്‍ 85 റണ്‍സ് നേടിയ റോയിയെ തെറ്റായ തീരുമാനത്തിലൂടെയാണ് കുമാര്‍ ധര്‍മ്മസേന ഔട്ട് വിധിച്ചതെന്ന് പിന്നീട് അള്‍ട്ര എഡ്ജില്‍ തെളിയുകയായിരുന്നു. വിധിയ്ക്കെതിരെ പ്രതിഷേധവുമായി നിലകൊണ്ട റോയിയോട് പിന്നീട് അമ്പയര്‍ മറയിസ് ഇറാസ്മസ് ഇടപെട്ടാണ് പുറത്ത് പോകുവാന്‍ ഇടയാക്കിയത്. ഇതിന് മുമ്പ് പുറത്തായ ജോണി ബൈര്‍സ്റ്റോ റിവ്യൂ ഉപയോഗിച്ചതിനാല്‍ തീരുമാനം പുനഃപരിശോധിക്കുവാന്‍ റോയിയ്ക്ക് സാധിച്ചതുമില്ല.