പന്ത് ലോകകപ്പിനില്ലാത്തത് ആശ്ചര്യമുളവാക്കുന്നു

Sports Correspondent

Download the Fanport app now!
Appstore Badge
Google Play Badge 1

ഇന്ത്യ ലോകകപ്പിനു ഋഷഭ് പന്തിനെ തിരഞ്ഞെടുക്കാത്തത് ആശ്ചര്യപ്പെടുത്തുന്നുവെന്ന് പറഞ്ഞ മൈക്കള്‍ വോണ്‍. ഇംഗ്ലണ്ടില്‍ നടക്കുന്ന ലോകകപ്പില്‍ അമ്പാട്ടി റായിഡുവും ഋഷഭ് പന്തുമുണ്ടാകുമെന്നുമാണ് കരുതപ്പെട്ടതെങ്കിലും ഒടുവില്‍ വിജയ് ശങ്കറെയും ദിനേശ് കാര്‍ത്തിക്കിനെയും സെലക്ടര്‍മാര്‍ തിരഞ്ഞെടുക്കുകയായിരുന്നു. പന്തിനെ തിരഞ്ഞെടുക്കണമായിരുന്നുവെന്ന് കരുതുന്നവരുടെ കൂട്ടത്തില്‍ ഇംഗ്ലണ്ട് മുന്‍ നായകന്‍ മൈക്കല്‍ വോണും രംഗത്തെത്തുകയായിരുന്നു.

പന്തിനെ തിരഞ്ഞെടുക്കുവാന്‍ കൂട്ടാക്കാത്ത ഇന്ത്യന്‍ സെലക്ടര്‍മാര്‍ തെറ്റാണ് ചെയ്തിരിക്കുന്നതെന്നാണ് വോണ്‍ പറഞ്ഞത്. കാര്‍ത്തിക്കിന്റെ അനുഭവസമ്പത്താണ് താരത്തിനു ഗുണമായതെന്നാണ് എംഎസ്കെ പ്രസാദ് പറഞ്ഞത്. കരിയറിന്റെ തുടക്കത്തില്‍ മാത്രമായി നില്‍ക്കുന്ന പന്ത് ഇന്ത്യയുടെ ഭാവി തന്നെയാണെന്നാണ് മുഖ്യ സെലക്ടര്‍ പറഞ്ഞത്.