അഫ്ഗാനിസ്ഥാന്റെ പേസ് ബൗളര്‍ ഹമീദ് ഹസ്സന്‍ തന്റെ ഏകദിന കരിയര്‍ ലോകകപ്പിനു ശേഷം അവസാനിപ്പിക്കുമെന്ന് അറിയിച്ചു. ലോകകപ്പ് തന്റെ ഏകദിന കരിയറിലെ അവസാന ടൂര്‍ണ്ണമെന്റായിരിക്കുമെന്നാണ് ഹമീദ് വ്യക്തമാക്കിയത്. ടി20യില്‍ അഫ്ഗാനിസ്ഥാനു വേണ്ടി തുടര്‍ന്നും കളിയ്ക്കുമെന്നാണ് താരം ഇപ്പോള്‍ അറിയിച്ചിരിക്കുന്നത്.
ഏറെ നാളത്തെ ഇടവേളയ്ക്ക് ശേഷമാണ് അഫ്ഗാനിസ്ഥാന്‍ ടീമിലേക്ക് ഹമീദ് മടങ്ങിയെത്തിയത്. ലോകകപ്പിനു മുമ്പ് സ്കോട്‍ലാന്‍ഡിനെതിരെയുള്ള മത്സരത്തിലാണ് താരം ആദ്യം കളിയ്ക്കുവാന്‍ എത്തുന്നത്. മൂന്ന് വര്‍ഷത്തെ ഇടവേളയ്ക്ക് ശേഷമാണ് താരം അഫ്ഗാനിസ്ഥാന്‍ ടീമിലേക്ക് എത്തുന്നത് തന്നെ.
