മികച്ച തുടക്കത്തിനു ശേഷം പാക്കിസ്ഥാന് ഫകര്‍ സമനെ നഷ്ടമായി

വിന്‍ഡീസിനെതിരെ 105 റണ്‍സിനു ഓള്‍ഔട്ട് ആയ പാക്കിസ്ഥാന്‍ ട്രെന്റ് ബ്രിഡ്ജില്‍ ഇംഗ്ലണ്ടിനെതിരെ മികച്ച തുടക്കം സ്വന്തമാക്കി. 14 .1 ഓവറുകള്‍ പിന്നിടുമ്പോള്‍ 82 റണ്‍സാണ് പാക്കിസ്ഥാന് വേണ്ടി ഓപ്പണര്‍മാരായ ഇമാം ഉള്‍ ഹക്കും ഫകര്‍ സമനും നേടിയിരിക്കുന്നത്. ഫകര്‍ സമന്‍ 36 റണ്‍സുമായി ജോസ് ബട്‍ലര്‍ സ്റ്റംപ് ചെയ്ത് പുറത്താകുകയായിരുന്നു. ഇമാം ഉള്‍ ഹക്ക് 37 റണ്‍സും നേടിയാണ് പാക്കിസ്ഥാനെ മികച്ച സ്കോറിലേക്ക് നയിച്ചത്. മോയിന്‍ അലിയ്ക്കാണ് വിക്കറ്റ്.

ക്രിസ് വോക്സിനും ജോഫ്ര ആര്‍ച്ചര്‍ക്കും വലിയ പ്രഭാവമുണ്ടാക്കുവാന്‍ സാധിക്കാതെ പോയപ്പോള്‍ പാക്കിസ്ഥാന്‍ മികച്ച തുടക്കമാണ് നേടിയത്. ഓപ്പണര്‍മാര്‍ അനായാസം ബാറ്റ് വീശി ടീമിനു വേണ്ടി അര്‍ദ്ധ ശതക കൂട്ടുകെട്ടും കടന്ന് മുന്നോട്ട് പോകുകയായിരുന്നു. 82 റണ്‍സാണ് ഒന്നാം വിക്കറ്റില്‍ കട്ടുകെട്ട് നേടിയത്.