ക്ലൈവ് ലോയ്ഡിനു തന്നെക്കാള്‍ ദൂരത്തില്‍ ഇപ്പോളും സിക്സര്‍ പറത്താനാകും

ക്ലൈവ് ലോയ്ഡിനു ഇപ്പോളും തന്നെക്കാള്‍ ദൂരത്തില്‍ സിക്സുകള്‍ അടിക്കാനാകും, പ്രത്യേകിച്ച് തന്റെ ഈ പുറം വേദന കൂടിയുള്ളപ്പോളെന്ന് തമാശ രൂപേണ പറഞ്ഞ് ഓയിന്‍ മോര്‍ഗന്‍. ഇന്നലെ 17 സിക്സുകള്‍ അടക്കം 71 പന്തില്‍ നിന്ന് 148 റണ്‍സ് നേടിയ മോര്‍ഗന്‍ 102 റണ്‍സാണ് സിക്സുകളില്‍ നിന്ന് മാത്രം നേടിയത്. മാന്‍ ഓഫ് ദി മാച്ച് കൈപ്പറ്റി സംസാരിക്കവേയാണ് താരം ഈ അഭിപ്രായം പങ്കുവെച്ചത്.

ഇന്നലെ ഇംഗ്ലണ്ടിനു മികച്ച ദിവസമായിരുന്നുവെന്നും ഓപ്പണര്‍മാര്‍ മികച്ച തുടക്കമാണ് നല്‍കിയതെന്നും പിന്നീട് ബൈര്‍സ്റ്റോയോടൊപ്പം ജോ റൂട്ടും എത്തി. താന്‍ വലിയൊരു ചൂതാട്ടം നടത്തിയതാണെന്നും അത് ശരിയായി വന്നുവെന്നും തന്റെ ഇന്നിംഗ്സിനെ കുറിച്ച് മോര്‍ഗന്‍ പറഞ്ഞു. ആ ഘട്ടത്തില്‍ ഒരിക്കലും അത് തന്റെ ദിവസമായിരിക്കുമെന്ന് താന്‍ ഒരിക്കലും കരുതിയിരുന്നില്ലെന്നും മോര്‍ഗന്‍ പറഞ്ഞു.

തന്റെ പുറം വേദനയെക്കുറിച്ച് താരം പറഞ്ഞത് തനിക്ക് വയസ്സാകുകയാണെന്നാണ്. തന്റെ ഡ്രസ്സിംഗ് റൂമില്‍ ഇതുപോലുള്ള ഇന്നിംഗ്സ് കാഴ്ചവയ്ക്കുവാനുള്ള ഒട്ടനവധി താരങ്ങളുണ്ട്. അവരോടൊപ്പം പിടിച്ച് നില്‍ക്കുവാനാകുന്ന ഇന്നിംഗ്സ് കാഴ്ചവെച്ചത് വലിയ കാര്യമായി തോന്നന്നു. ഇതുപോലെ ഒരു ഇന്നിംഗ്സ് തന്നില്‍ നിന്നുണ്ടാകുമെന്ന് താന്‍ ഒരിക്കലും പ്രതീക്ഷിച്ചതല്ലെന്നും ഇംഗ്ലണ്ട് നായകന്‍ പറഞ്ഞു.

Previous articleഇബ്രാഹിം അഫല്ലെ വീണ്ടും പി എസ് വിയിൽ
Next article“വാൻ ഡൈകിനെ കാണുമ്പോൾ എതിർ ടീമുകൾക്ക് പേടി”