സ്കിവറിന് അര്‍ദ്ധ ശതകം, ഇംഗ്ലണ്ടിന് 143 റണ്‍സ്

- Advertisement -

വനിത ലോക ടി20യില്‍ ഇംഗ്ലണ്ടിന് 143 റണ്‍സ്. വിന്‍ഡീസിനെതിരെ ആദ്യം ബാറ്റ് ചെയ്ത ടീം അഞ്ച് വിക്കറ്റ് നഷ്ടത്തിലാണ് ഈ സ്കോര്‍ നേടിയത്. നത്താലി സ്കിവറുടെ അര്‍ദ്ധ ശതകമാണ് ഇംഗ്ലണ്ടിനെ പൊരുതാവുന്ന സ്കോറിലേക്ക് നയിച്ചത്. അവസാന മൂന്നോവറില്‍ നേടിയ 36 റണ്‍സാണ് ടീമിനെ തുണച്ചത്. ആദ്യ ഓവറില്‍ തന്നെ താമി ബ്യൂമോണ്ടിനെ നഷ്ടമായ ശേഷം ഇംഗ്ലണ്ടിനെ നത്താലി സ്കിവറും ഡാനിയേല്‍ വയട്ടും ചേര്‍ന്നാണ് മുന്നോട്ട് നയിച്ചത്.

50 റണ്‍സ് കൂട്ടുകെട്ട് രണ്ടാം വിക്കറ്റില്‍ നേടിയ ശേഷം വയട്ട് 29 റണ്‍സ് നേടി പുറത്താകുകയായിരുന്നു. സ്കിവര്‍ 57 റണ്‍സ് നേടിയപ്പോള്‍ ക്യാപ്റ്റന്‍ ഹീത്തര്‍ നൈറ്റ് റണ്ണൗട്ട് രൂപത്തില്‍ പുറത്തായി. 13 പന്തില്‍ 23 റണ്‍സ് നേടി ആമി എല്ലെന്‍ ജോണ്‍സും 4 പന്തില്‍ 10 റണ്‍സ് നേടി കാത്തറിന്‍ ബ്രണ്ടുമാണ് 143 എന്ന ഭേദപ്പെട്ട സ്കോറിലേക്ക് ഇംഗ്ലണ്ടിനെ നയിച്ചത്.

Advertisement