ലോക വനിത ടി20 സന്നാഹ മത്സരത്തില്‍ ഇംഗ്ലണ്ടിനെതിരെ തകര്‍പ്പന്‍ വിജയവുമായി ശ്രീലങ്ക. ഇന്ന് നടന്ന മത്സരത്തില്‍ ഇംഗ്ലണ്ടിനെ 122/9 എന്ന സ്കോറില്‍ പിടിച്ചുകെട്ടിയ ശേഷം ശ്രീലങ്ക 12.3 ഓവറില്‍ വിക്കറ്റ് നഷ്ടമില്ലാതെ വിജയം ഉറപ്പിക്കുകയായിരുന്നു.
ചാമരി അട്ടപ്പട്ടു 50 പന്തില്‍ നിന്ന് 78 റണ്‍സും ഹസിനി പെരേര 29 റണ്‍സും നേടിയാണ് ശ്രീലങ്കന്‍ വിജയത്തില്‍ ചുക്കാന്‍ പിടിച്ചത്. ചാമരി 8 ഫോറും 5 സിക്സുമാണ് നേടിയത്.
നേരത്തെ ഇംഗ്ലണ്ടിനായി ആമി എല്ലെന്‍ ജോണ്‍സ്(23), താമി ബ്യുമോണ്ട്(23), ഹീത്തര്‍ നൈറ്റ്(19), ഫ്രാന്‍ വില്‍സണ്‍(18), സോഫി എക്സല്‍സ്റ്റോണ്‍(16*) എന്നിവരാണ് ചെറുത്ത്നില്പിന് ശ്രമിച്ചത്. ശ്രീലങ്കയ്ക്കായി ശശികല സിരിവര്‍ദ്ധനേ നാലും ചാമരി അട്ടപ്പട്ടു മൂന്നും വിക്കറ്റാണ് നേടിയത്.
