ഏകദിന ലോകകപ്പിലെ ഏഴാം മത്സരത്തിൽ ടോസ് നേടി ബാറ്റിംഗ് തിരഞ്ഞെടുത്ത വെസ്റ്റിന്‍ഡീസ് 225/6 എന്ന സ്കോര്‍ നേടി. ഷെമൈന്‍ കാംപെൽ നേടിയ 66 റൺസിനൊപ്പം ചെഡീന്‍ നേഷന്‍(49*), ഹെയ്‍ലി മാത്യൂസ്(45), ഡിയാന്‍ഡ്ര ഡോട്ടിന്‍(31) എന്നിവരും ചേര്‍ന്നാണ് വെസ്റ്റിന്‍ഡീസിനെ ഈ സ്കോറിലേക്ക് എത്തിച്ചത്.
ഒന്നാം വിക്കറ്റിൽ 81 റൺസ് നേടിയ മാത്യൂസ് – ഡോട്ടിന്‍ കൂട്ടുകെട്ടിനെ തകര്‍ത്ത സോഫി എക്ലെസ്റ്റോൺ അതേ ഓവറിൽ കൈസിയ നൈറ്റിനെയും പുറത്താക്കിയപ്പോള്‍ വെസ്റ്റിന്‍ഡീസ് 81/0 എന്ന നിലയിൽ നിന്ന് 81/3 എന്ന നിലയിലേക്ക് വീഴുകയായിരുന്നു.
പിന്നീട് 123 റൺസ് കൂട്ടുകെട്ടാണ് അഞ്ചാം വിക്കറ്റിൽ ഷെമൈന്‍ – ചെഡീന്‍ കൂട്ടുകെട്ട് നേടിയത്. സോഫി എക്സെസ്റ്റോൺ ഇംഗ്ലണ്ടിനായി നാല് മെയ്ഡനുകള്‍ ഉള്‍പ്പെടെ 20 റൺസ് വിട്ട് നല്‍കി 3 വിക്കറ്റ് നേടി.
