ഐസിസി അവാര്‍ഡ് പെരുമയില്‍ സ്മൃതി മന്ഥാന

Sports Correspondent

Download the Fanport app now!
Appstore Badge
Google Play Badge 1

ഐസിസി വനിത അവാര്‍ഡ് പെരുമയില്‍ ഇന്ത്യയുടെ സ്മൃതി മന്ഥാന. റേച്ചല്‍ ഹേയ്ഹോ-ഫ്ലിന്റ് അവാര്‍ഡ് നേടിയ സ്മൃതി ഐസിസി ഏകദിന താരമായും തിരഞ്ഞെടുക്കപ്പെട്ടിട്ടുണ്ട്. 2018ലെ വനിത ക്രിക്കറ്റര്‍ക്ക് നല്‍കുന്ന അവാര്‍ഡ് ആണ് റേച്ചല്‍ ഹേയ്ഹോ-ഫ്ലിന്റ് അവാര്‍ഡ്. ഇന്നാണ് ഇത് സംബന്ധിച്ച പ്രഖ്യാപനം വന്നത്. ഈ വര്‍ഷം 12 ഏകദിനത്തില്‍ നിന്ന് 22 വയസ്സുകാരി ഇടംകൈ ബാറ്റിംഗ് താരം 669 റണ്‍സാണ് നേടിയിട്ടുള്ളത്. 25 ടി20 മത്സരങ്ങളില്‍ നിന്ന് സ്മൃതി 622 റണ്‍സ് നേടി.

ഐസിസി ടി20 താരമായി ഓസ്ട്രേലിയയുടെ വിക്കറ്റ് കീപ്പര്‍ ബാറ്റിംഗ് താരം അലൈസ ഹീലിയെ തിരഞ്ഞെടുക്കു. ഐസിസി എമേര്‍ജിംഗ് പ്ലേയര്‍ ഓഫ് ദി ഇയര്‍ അവാര്‍ഡ് ഇംഗ്ലണ്ടിന്റെ സോഫി എക്സല്‍സ്റ്റോണിനു ലഭിച്ചു.