ബംഗ്ലാദേശ് ടീമിൽ നിന്ന് തന്നെ ഒഴിവാക്കിയത് ബോര്‍ഡ് പറയുന്ന പോലെ വിശ്രമം നൽകിയതല്ലെന്ന പരാമര്‍ശത്തിന് റുമാനയെ വിളിപ്പിച്ച് ബോര്‍ഡ്. ടീം മാനേജ്മെന്റിനെതിരെയുള്ള പരാമര്‍ശത്തിന് വേണ്ടി ഈദിന് ശേഷം റുമാനയെ വിളിപ്പിച്ച് വിശദീകരണം ആവശ്യപ്പെടുമെന്നും താരത്തിന്റെ ഭാഗത്ത് നിന്നുള്ള ആദ്യത്തെ ഇത്തരത്തിലുള്ള പ്രതികരണം ആയതിനാൽ തന്നെ വാക്കാൽ താക്കീത് നൽകുമെന്നും ബോര്‍ഡിന്റെ വനിത വിഭാഗം ചെയര്‍മാന്‍ ഷൈഫുള്‍ അലം ചൗധരി വെളിപ്പെടുത്തി.
സീനിയര്‍ താരങ്ങള്‍ ഇത്തരത്തിൽ പരാമര്‍ശങ്ങള്‍ നടത്തുന്നത് ശരിയല്ലെന്നും അതിനാൽ തന്നെ വിഷയം തീര്‍ച്ചയായും ചര്‍ച്ചയ്ക്ക് എടുക്കുമെന്നും ഷൈഫുള്‍ വ്യക്തമാക്കി.
