ജഴ്സി ലോഞ്ചിനിടെ പാഡ് ധരിച്ചതിന് കാരണം വ്യക്തമാക്കി മിത്താലി രാജ്

Mithalirajpriyapuniyajhulan

ഇന്ത്യയുടെ ടെസ്റ്റ് ക്രിക്കറ്റ് ജഴ്സി ലോഞ്ചിനിടെ മിത്താലി രാജ് പാഡുകൾ അണിഞ്ഞെത്തിയത് സോഷ്യൽ മീഡിയയിൽ ഏറെ ചർച്ചയായിരുന്നു. 2014ൽ ആണ് ഇന്ത്യ അവസാനമായി ഇംഗ്ലണ്ടിനെതിരെ ഒരു ടെസ്റ്റ് മത്സരത്തിൽ കളിക്കുന്നത്. അതിന് ശേഷം 2021ൽ വീണ്ടും അതിന് അവസരം ലഭിക്കുമ്പോൾ ഏറെ സമയം പാഡ് അണിയുന്നതുമായി പൊരുത്തപ്പെടുവാനുള്ള തയ്യാറെടുപ്പുകളാണ് താൻ നടത്തിയതെന്ന് മിത്താലി പറഞ്ഞു.

ക്വാറന്റീനിൽ കഴിയുന്ന താരങ്ങൾക്ക് ജഴ്സി നൽകുന്നതിന്റെ ചിത്രങ്ങളിലാണ് മിത്താലി പാഡ് അണിഞ്ഞത് ആരാധകരുടെ ശ്രദ്ധയിൽ പെട്ടത്. താൻ ടെസ്റ്റ് ക്രിക്കറ്റിനുള്ള തയ്യാറെടുപ്പെന്ന നിലയിലാണ് ഇത് ചെയ്തതെ്നനാണ് മിത്താലി പറഞ്ഞത്. കൂടുതൽ സമയം ക്രീസിൽ ബാറ്റിംഗിനായി ചെലവഴിക്കേണ്ട ഒരു ഫോർമാറ്റാണ് ടെസ്റ്റ് ക്രിക്കറ്റെന്നും അതിനുള്ള തയ്യാറെടുപ്പുകളാണ് ഇതെന്നും ഇന്ത്യൻ ടെസ്റ്റ് ക്യാപ്റ്റൻ വ്യക്തമാക്കി.

2002ൽ ടൊണ്ടണിൽ ഇന്ത്യ ഇംഗ്ലണ്ടിനെ നേരിട്ടപ്പോൾ മിത്താലി 214 റൺസ് നേടിയിരുന്നു. അന്നത്തെ ഏറ്റവും ഉയർന്ന വനിത ടെസ്റ്റ് സ്കോർ ആയിരുന്നു അത്.

Previous articleകോപ അമേരിക്ക നേടിയാലെ സന്തോഷമാകു എന്ന് മെസ്സി
Next articleലോക ടെസ്റ്റ് ചാമ്പ്യൻഷിപ്പ് ഫൈനലിൽ മുൻതൂക്കം ന്യൂസിലാണ്ടിന്