വെലോസിറ്റി ബൗളിംഗ് നിരയെ അടിച്ച് പറത്തി ജെമീമ, 142 റണ്‍സ് നേടി സൂപ്പര്‍നോവാസ്

Sports Correspondent

Download the Fanport app now!
Appstore Badge
Google Play Badge 1

വനിത ടി20 ചലഞ്ചില്‍ വെലോസിറ്റിയ്ക്കെതിരെ ആദ്യം ബാറ്റ് ചെയ്ത് 142 റണ്‍സ് നേടി സൂപ്പര്‍നോവാസ്. ഇന്നത്തെ മത്സരത്തില്‍ വിജയിക്കുവാനായില്ലെങ്കില്‍ ടീമിനു ഫൈനലിലേക്ക് യോഗ്യത നേടാനാകില്ലെന്നതിനാല്‍ ഏറെ നിര്‍ണ്ണായകമാണ് ഈ മത്സരം. സൂപ്പര്‍ നോവാസിനു വേണ്ടി ജെമീമ റോഡ്രീഗസ് നേടിയ അര്‍ദ്ധ ശതകമാണ് ടീമിനു തുണയായത്.

48 പന്തില്‍ നിന്ന് 77 റണ്‍സ് നേടിയ താരത്തിനൊപ്പം 31 റണ്‍സ് നേടിയ ചാമരി അട്ടപ്പട്ടുവാണ് തിളങ്ങിയ മറ്റൊരു താരം. 3 വിക്കറ്റുകള്‍ മാത്രമാണ് ടീമിനു നഷ്ടമായത്. പ്രിയ പൂനിയ(16) ആണ് പുറത്തായ മറ്റൊരു താരം. വെലോസിറ്റിയ്ക്ക് വേണ്ടി അമേലിയ കെര്‍ രണ്ട് വിക്കറ്റും ശിഖ പാണ്ടേ ഒരു വിക്കറ്റും നേടി. ഇരുവരും കണിശതയോടെ പന്തെറിഞ്ഞുവെങ്കിലും മറ്റു താരങ്ങളെയാണ് ജെമീമ തിരഞ്ഞ് പിടിച്ച് ആക്രമിച്ചത്.