വെസ്റ്റ് ഇന്‍ഡീസ് വനിത ടീമിന് സ്ഥിരം മുഖ്യ കോച്ചിനെ നിയമിക്കുവാന്‍ ഒരുങ്ങി ബോര്‍ഡ്. ഓസ്ട്രേലിയയില്‍ നടന്ന ടി20 ലോകകപ്പിലെ മോശം പ്രകടനത്തിന്റെ പശ്ചാത്തലത്തിലാണ് ഈ തീരുമാനത്തിലേക്ക് ബോര്‍ഡ് നീങ്ങുന്നത്. കഴിഞ്ഞ വര്‍ഷം ഒക്ടോബര്‍ മുതല്‍ ഗസ് ലോഗിയാണ് ടീമിന്റെ താത്കാലിക കോച്ചായി പ്രവര്‍ത്തിച്ച് വന്നിരുന്നത്.
ക്രിക്കറ്റ് വെസ്റ്റ് ഇന്‍ഡീസിന്റെ ക്രിക്കറ്റ് ഡയറക്ടര്‍ ജിമ്മി ആഡംസ് ആണ് ഈ വാര്‍ത്ത പുറത്ത് വിട്ടത്. തങ്ങള്‍ മുഴുവന്‍ സമയ കോച്ചിനെ നിയമിക്കുവാനുള്ള പ്രാരംഭ നടപടികള്‍ ആരംഭിച്ചിട്ടുണ്ടെന്ന് മുന്‍ വിന്‍ഡീസ് താരം വെളിപ്പെടുത്തി.
2017 മുതല്‍ ടീമിന്റെ സഹ പരിശീലകനായ ഗസ് ലോഗിയെ ഒക്ടോബറില്‍ ടീമിന്റെ താത്കാലിക കോച്ചായി നിയമിച്ചത്.
