ഋഷഭ് പന്തിനു ലോകകപ്പിനു മുമ്പ് ആവശ്യമായ അവസരങ്ങള് നല്കുമെന്ന് വ്യക്തമാക്കി എംഎസ്കെ പ്രസാദ്. ലോകകപ്പ് സ്ക്വാഡില് ഉള്പ്പെടുത്തുന്നതിനു മുമ്പുള്ള ഈ അവസരങ്ങള് പന്ത് ഉപയോഗപ്പെടുത്തുന്നതിനനുസരിച്ചാവും താരത്തിനെ ലോകകപ്പിനു ഉള്പ്പെടുത്തണോ വേണ്ടയോ എന്നത് തീരുമാനിക്കുക. ഇടംകൈയ്യന് താരമാണെന്നതും പന്തിനെ പരിഗണിക്കുവാന് കാരണമായെന്ന് പ്രസാദ് വ്യക്തമാക്കി. താരത്തിനു അനുയോജ്യമായ ബാറ്റിംഗ് ഓര്ഡര് ഉടന് തീരുമാനിക്കുമെന്നും പ്രസാദ് അറിയിച്ചു. ടീമിന്റെ ലെഫ്റ്റ്-റൈ്ഫറ്റ് കോമ്പിനേഷന് മുന്നില് കണ്ട് കൊണ്ടാണ് പന്തിന്റെ ടീമിലേക്കുള്ള തിരഞ്ഞെടുപ്പെന്നും പ്രസാദ് വ്യക്തമാക്കി.
താരം ടെസ്റ്റില് മികവ് പുലര്ത്തിയ ശേഷം വിശ്രമം ആവശ്യമായതിനാലാണ് ചെറിയ ബ്രേക്ക് നല്കിയതെന്നും ഇനി ലോകകപ്പിനു മുമ്പ് താരത്തിനു വ്യക്തമായ അവസരങ്ങള് ലഭിച്ചുവെന്ന് ഉറപ്പാക്കേണ്ടതുണെന്നും അതിനാലാണ് കാര്ത്തികിനെ ഒഴിവാക്കി ഓസ്ട്രേലിയയ്ക്കെതിരെ പന്തിനെ പരീക്ഷിക്കുവാന് ടീം മാനേജ്മെന്റും സെലക്ടര്മാരും മുതിര്ന്നതെന്നും പ്രസാദ് വ്യക്തമാക്കി.