വിവിഎസ് ലക്ഷ്മണും രാഹുൽ ദ്രാവിഡും ആണ് തനിക്ക് ഒപ്പം കളിക്കുവാൻ ആഗ്രഹമുള്ള രണ്ട് ഇന്ത്യൻ താരങ്ങളെന്ന് പറഞ്ഞ് അസ്ഹർ അലി. പാക്കിസ്ഥാൻ താരത്തോട് സോഷ്യൽ മീഡിയയിൽ ഒപ്പം കളിക്കുവാനാഗ്രഹമുള്ള ഒരു താരത്തിന്റെ പേര് പറയാൻ പറഞ്ഞപ്പോളാണ് ഈ രണ്ട് ഇന്ത്യൻ മഹാരാഥന്മാരുടെ പേര് താരം പറഞ്ഞത്.
ഇന്ത്യയുടെ എക്കാലത്തെയും മികച്ച ബാറ്റിംഗ് നിര കളിച്ചിരുന്ന സമയത്ത് നിന്നാണ് ഈ രണ്ട് പേരെ പാക്കിസ്ഥാൻ താരം തിരഞ്ഞെടുത്തത്. സച്ചിൻ, സൌരവ് ഗാംഗുലി, രാഹുൽ ദ്രാവിഡ്, വിവിഎസ് ലക്ഷ്മൺ, വിരേന്ദർ സേവാഗ് എന്നിവരടങ്ങിയ ബാറ്റിംഗ് നിര ലോകത്തിലെ തന്നെ ഏറ്റവും മികച്ച ഒന്നായിരുന്നു. 2000ങ്ങളിൽ ലോക ക്രിക്കറ്റിലെ ഏറ്റവും ശക്തമായ ബാറ്റിംഗ് മഹാരഥന്മാരുടെ നിര തന്നെയായിരുന്നു ഇന്ത്യയ്ക്കായി ഇറങ്ങിയിരുന്നത്.
പാക്കിസ്ഥാന് വേണ്ടി 2021ൽ മികച്ച ഫോമിൽ കളിക്കുന്ന അസ്ഹർ അലി ഇതുവരെ ഒരു ശതവും രണ്ട് അർദ്ധ ശതകവും ഉൾപ്പെടെ എട്ട് ടെസ്റ്റിൽ നിന്ന് 407 റൺസ് നേടിയിട്ടുണ്ട്.