വലിയ മത്സരങ്ങളും ചാമ്പ്യൻഷിപ്പുകളും നേടുന്നതിന് ഇന്ത്യയ്ക്ക് ഇതിനേക്കാൾ മികച്ച മാനസികാവസ്ഥയും സമീപനവും ആവശ്യമാണെന്ന് മുൻ ഇന്ത്യൻ ഓപ്പണിംഗ് ബാറ്റ്സ്മാൻ വീരേന്ദർ സേവാഗ്. ലണ്ടനിലെ കെന്നിംഗ്ടൺ ഓവലിൽ നടന്ന 2023 ലോക ടെസ്റ്റ് ചാമ്പ്യൻഷിപ്പ് ഫൈനലിൽ ഓസ്ട്രേലിയ ഇന്ത്യയെ 209 പരാജയപ്പെടുത്തിയിരുന്നു. ഇതിനെ കുറിച്ച് സംസാരിക്കുക ആയിരുന്നു സെവാഗ്.
“WTC ഫൈനൽ വിജയിച്ച ഓസ്ട്രേലിയക്ക് അഭിനന്ദനങ്ങൾ. അവരാണ് അർഹരായ വിജയികൾ. ഇടംകൈയ്യൻ ബാറ്റർമാർക്ക് എതിരെ ആക്രമിക്കാൻ ഉപകരിക്കുമായിരുന്ന അശ്വിനെ ഒഴിവാക്കാൻ തീരുമാനിച്ചതോടെ ഇന്ത്യക്ക് കളി നഷ്ടമായി.” സെവാഗ് പറഞ്ഞു.
കൂടാതെ ടോപ്പ് ഓർഡർ ഇതിനേക്കാൾ നന്നായി ബാറ്റു ചെയ്യേണ്ടതും ആവശ്യമാണ്. ചാമ്പ്യൻഷിപ്പുകൾ നേടുന്നതിന് ഇതിനേക്കാൾ മെച്ചപ്പെട്ട ചിന്താഗതിയും സമീപനവും ഉണ്ടാകണം. സെവാഗ് ട്വിറ്ററിൽ കുറിച്ചു