ഇന്ത്യയുടെ എഡ്ജ്ബാസ്റ്റണ് തോല്വിയ്ക്ക് ഉത്തരവാദിത്ത്വം വിരാട് കോഹ്ലിയ്ക്കുമുണ്ടെന്ന് അഭിപ്രായപ്പെട്ട് മുന് ഇംഗ്ലണ്ട് നായകന് നാസര് ഹുസൈന്. ഇരു ഇന്നിംഗ്സുകളിലുമായി 149, 51 എന്നീ സ്കോറുകള് വിരാട് കോഹ്ലി നേടി ഇന്ത്യന് ബാറ്റിംഗിന്റെ ഏക പ്രതീക്ഷയായി മാറിയത് വിരാട് കോഹ്ലിയാണെങ്കിലും താരത്തിന്റെ ചില ക്യാപ്റ്റന്സി തീരുമാനങ്ങളെയാണ് ഹുസൈന് ചോദ്യം ചെയ്തത്.
ബാറ്റിംഗില് കോഹ്ലിയെ പ്രകീര്ത്തിച്ചുവെങ്കിലും തോല്വിയില് ചെറിയ പങ്ക് കോഹ്ലിയ്ക്കുമുണ്ടെന്നാണ് നാസര് ഹുസൈന് പറഞ്ഞത്. ഇംഗ്ലണ്ട് രണ്ടാം ഇന്നിംഗ്സില് 87/7 എന്ന നിലയില് നില്ക്കെ അശ്വിനെ ഒരു മണിക്കൂറോളം പുറത്ത് പോയ നീക്കത്തിനെയാണ് കോഹ്ലിയുടെ ഇടപെടലില്ലാത്തിനാല് മത്സരം ഇന്ത്യ കൈവിടുവാന് കാരണമെന്ന് ഹുസൈന് പറയുന്നത്.
ഇടം കൈയ്യന്മാര്ക്കെതിരെ മികച്ച ആവറേജുള്ള അശ്വിനെ പുറത്ത് പോകുവാന് അനുവദിച്ചതിനു ശേഷമാണ് സാം കറനും ആദില് റഷീദും വീണ്ടും മത്സരത്തിലേക്ക് ഇംഗ്ലണ്ടിനെ കൊണ്ടുവരുന്നത്. ഇടം കൈയ്യന് സാം കറന് സ്ട്രൈക്കില് നില്ക്കുമ്പോളാണ് ഈ പാളിച്ചയെന്നും വിരാട് കോഹ്ലിയുടെ തീരുമാനത്തെ വിമര്ശിച്ച് ഹുസൈന് പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
