ഇന്ത്യൻ ക്യാപ്റ്റൻ വിരാട് കോഹ്ലിയുടെ വിക്കറ്റ് ഇന്ത്യൻ ടീമിനെ മുഴുവൻ പുറത്താക്കുന്നതിന് തുല്യമാണെന്ന് താൻ ഇംഗ്ലണ്ട് സ്പിന്നര്മാരായ മൊയീൻ ഖാനോടും ആദിൽ റാഷിദിനോടും പറഞ്ഞതെന്ന് മുൻ പാകിസ്ഥാൻ സ്പിന്നർ സഖ്ലൈൻ മുഷ്താഖ്. വിരാട് കോഹ്ലി 11 താരങ്ങൾക്ക് തുല്യമാണെന്നും 11 താരങ്ങൾ ഒരാളിൽ ഉള്ള രീതിയിൽ താരത്തെ പരിഗണിക്കണമെന്നും താൻ ഇംഗ്ലണ്ട് സ്പിന്നർമാരോട് പറഞ്ഞെന്ന് സഖ്ലൈൻ മുഷ്താഖ് വെളിപ്പെടുത്തി.
ലോക ഒന്നാം നമ്പർ ബാറ്റ്സ്മാൻ എന്ന നിലക്ക് വിരാട് കോഹ്ലിക്ക് അഹങ്കാരം ഉണ്ടാവുമെന്നും താരത്തിനെതിരെ ഒരു ഡോട്ട് ബോൾ എറിഞ്ഞാൽ താരത്തിന്റെ അഹങ്കാരത്തിന് തിരിച്ചടിയാവുമെന്നും സഖ്ലൈൻ പറഞ്ഞു. നിങ്ങൾ വിരാട് കോഹ്ലിയെ ഈ അവസരത്തിൽ പുറത്താക്കിയാൽ താരത്തിന് തീർച്ചയായും ദുഃഖം ഉണ്ടാവുമെന്നും ഇതെല്ലം ഒരു മൈൻഡ് ഗെയിം ആണെന്നും സഖ്ലൈൻ പറഞ്ഞു. കഴിഞ്ഞ വർഷത്തെ ഏകദിന ലോകകപ്പ് വരെ സഖ്ലൈൻ മുഷ്താഖ് ഇംഗ്ലണ്ട് ടീമിന്റെ ബൗളിംഗ് ഉപദേശകനായിരുന്നു.