വെടിക്കെട്ട് ബാറ്റിംഗുമായി പൃഥ്വി ഷാ, മുംബൈയ്ക്ക് ആധികാരിക ജയം

- Advertisement -

ഇന്ത്യ അണ്ടര്‍ 19 താരം പൃഥ്വി ഷായുടെയും ക്യാപ്റ്റന്‍ അജിങ്ക്യ രഹാനെയുടെയും മികവില്‍ ജയം സ്വന്തമാക്കി മുംബൈ. ബറോഡയ്ക്കെതിരെ മികച്ച വിജയം നേടിയ മുംബൈ മത്സരത്തില്‍ 9 വിക്കറ്റ് ജയമാണ് സ്വന്തമാക്കിയത്. ബറോഡയെ 238 റണ്‍സിനു പുറത്താക്കിയ ശേഷം ലക്ഷ്യം 41.3 ഓവറില്‍ മുംബൈ മറികടക്കുകയായിരുന്നു.

ധവാല്‍ കുല്‍ക്കര്‍ണ്ണി 4 വിക്കറ്റ് നേട്ടവുമായി ബറോഡയുടെ നടുവൊടിച്ചപ്പോള്‍ ടീം 49.5 ഓവറില്‍ ബറോഡ 238 റണ്‍സിനു ഓള്‍ഔട്ട് ആവുകയായിരുന്നു. 85 റണ്‍സ് നേടിയ ക്രുണാല്‍ പാണ്ഡ്യയാണ് ടീമിന്റെ ടോപ് സ്കോറര്‍. യൂസഫ് പത്താന്‍ 40 റണ്‍സ് നേടി.

66 പന്തില്‍ നിന്ന് 98 റണ്‍സ് നേടിയ പൃഥ്വി ഷായുടെയും അജിങ്ക്യ രഹാനെ, ശ്രേയസ്സ് അയ്യര്‍ എന്നിവരുടെ അര്‍ദ്ധ ശതകങ്ങളും ചേര്‍ന്നപ്പോള്‍ മുംബൈ 41.3 ഓവറില്‍ ജയം സ്വന്തമാക്കി. 12 ബൗണ്ടറിയും 5 സിക്സും നേടിയ ഷാ തന്റെ ശതകത്തിനു 2 റണ്‍സ് അകലെ വിക്കറ്റ് നല്‍കി മടങ്ങുകയായിരുന്നു.

അജിങ്ക്യ രഹാനെ 79 റണ്‍സും ശ്രേയസ്സ് അയ്യര്‍ 56 റണ്‍സും നേടി പുറത്താകാതെ നിന്നു.

Advertisement