ഇന്ന് വിജയ് ഹസാരെ ട്രോഫിയിൽ സഞ്ജു നേടിയ ഡബിൾ സെഞ്ച്വറി ഒരുപാട് റെക്കോർഡുകളാണ് തകർത്തെറിഞ്ഞത്. കേരളത്തിനായി പുറത്താകാതെ സഞ്ജു സാംസൺ ഇന്ന് 212 റൺസ് നേടിയത്. 20 ഫോറുകളും 10 സിക്സും അടങ്ങുന്നതായിരുന്നു സഞ്ജുവിന്റെ ഈ ഇന്നിങ്ങ്സ്. വിജയ് ഹസാരെ ട്രോഫിയിലെ എക്കാലത്തയും മികച്ച വ്യക്തിഗത സ്കോറായി ഇത് മാറി.
കെ വി കുശാൽ നേടിയ 202 ആയിരുന്നു വിജയ് ഹസാരെയിലെ ഇതുവരെയുള്ള ഏറ്റവും മികച്ച വ്യക്തിഗത സ്കോർ. ഫസ്റ്റ് ക്ലാസിൽ ഒരു കീപ്പർ നേടുന്ന ഏറ്റവും ഉയർന്ന സ്കോറായും സഞ്ജുവിന്റെ ഇന്നിങ്സ് മാറി. ഇതുവരെ ആബിദ് അലിയുടെ 209 ആയിരുന്നു ഒരു കീപ്പറുടെ ഉയർന്ന സ്കോർ. ഫസ്റ്റ് ക്ലാസിൽ ഒരു ഇന്ത്യക്കാരൻ നേടുന്ന ഏറ്റവും വേഗതയാർന്ന ഇരട്ട സെഞ്ച്വറി ആയും സഞ്ജുവിന്റെ ഇന്നിങ്സ് മാറി. 125 പന്ത് മാത്രമെ 200 റൺസിൽ എത്താൻ സഞ്ജു എടുത്തുള്ളൂ.
