റെയ്‍ന യുപി നായകന്‍

- Advertisement -

വിജയ് ഹസാരെ ട്രോഫിയില്‍ സുരേഷ് റെയ്‍ന ഉത്തര്‍ പ്രദേശിനെ നയിക്കും. മൂന്ന് വര്‍ഷത്തെ ഇടവേളയ്ക്ക് ശേഷം ഇന്ത്യന്‍ ടീമിലേക്ക് തിരികെയെത്തിയെങ്കിലും താരത്തിനു കാര്യമായ പ്രഭാവം മത്സരത്തില്‍ പുറത്തെടുക്കുവാന്‍ സാധിക്കാതെ പോയതിനാല്‍ ടീമില്‍ നിന്ന് പുറത്ത് പോകുകയായിരുന്നു. ഏഷ്യ കപ്പില്‍ നിന്നും ഒഴിവാക്കപ്പെട്ടതോടെ ആഭ്യന്തര ക്രിക്കറ്റില്‍ ശ്രദ്ധയൂന്നി ലോകകപ്പ് സ്ക്വാഡില്‍ തന്റെ സാന്നിധ്യം ഉറപ്പാക്കുകയാണ് താരത്തിന്റെ ലക്ഷ്യം.

ഉത്തര്‍ പ്രദേശ് വിജയ് ഹസാരെ ട്രോഫിയ്ക്കുള്ള 16 അംഗ ടീമിനെ പ്രഖ്യാപിച്ചപ്പോള്‍ ടീമിന്റെ നായകനായി റെയ്‍നയെ പ്രഖ്യാപിക്കുകയായിരുന്നു. ഐപിഎല്‍ താരങ്ങളായ റിങ്കു സിംഗ്, അങ്കിത് രാജ്പുത് എന്നിവരും ടീമില്‍ ഇടം പിടിച്ചിട്ടുണ്ട്. എലൈറ്റ് ഗ്രൂപ്പ് ബിയിലാണ് ഉത്തര്‍ പ്രദേശ് സ്ഥിതി ചെയ്യുന്നത്. ഡല്‍ഹി, ആന്ധ്ര പ്രദേശ്, ചത്തീസ്ഗഢ്, മധ്യ പ്രദേശ്, ഒഡീഷ, ഹൈദ്രാബാദ്, കേരള എന്നിവരാണ് ഗ്രൂപ്പിലെ മറ്റു ടീമുകള്‍.

Advertisement