പുതുച്ചേരിയ്ക്കെതിരെ വിജയ് ഹസാരെ ട്രോഫിയില് കൂറ്റന് സ്കോര് നേടി മുംബൈ. ഇന്ന് നടന്ന മത്സരത്തില് ആദ്യം ബാറ്റ് ചെയ്ത മുംബൈ ക്യാപ്റ്റന് പൃഥ്വി ഷായുടെ മിന്നും ഫോമിന്റെ ബലത്തില് 50 ഓവറില് 457/4 എന്ന കൂറ്റന് സ്കോര് നേടുകയായിരുന്നു.
152 പന്തില് നിന്ന് 227 റണ്സാണ് പുറത്താകാതെ പൃഥ്വി ഷാ നേടിയത്. സൂര്യകുമാര് യാദവ് 58 പന്തില് നിന്ന് 133 റണ്സ് നേടിയപ്പോള് ആദിത്യ താരെ അര്ദ്ധ ശതകം നേടി. പൃഥ്വി 31 ഫോറും അഞ്ച് സിക്സും നേടിയപ്പോള് സൂര്യകുമാര് 22 ഫോറും നാല് സിക്സും നേടി.
വിജയ് ഹസാരെ ട്രോഫിയിലെ ഏറ്റവും ഉയര്ന്ന വ്യക്തിഗത സ്കോറാണ് ഇന്ന് പൃഥ്വി ഷാ നേടിയത്.