മാന്ത്രിക സ്പെല്ലുമായി ഷഹ്ബാസ് നദീം, രാജസ്ഥാന്‍ തവിടുപൊടി

Sports Correspondent

Download the Fanport app now!
Appstore Badge
Google Play Badge 1

ഷഹ്ബാസ് നദീമിന്റെ മാന്ത്രിക സ്പെല്ലിനു മുന്നില്‍ തകര്‍ന്നടിഞ്ഞ് രാജസ്ഥാന്‍. വിജയ് ഹസാരെ ട്രോഫിയില്‍ രാജസ്ഥാനെതിരെ ജാര്‍ഖണ്ഡിനു വേണ്ടി മാന്ത്രിക പ്രകടനമാണ് ഈ സ്പിന്നര്‍ നടത്തിയത്. തന്റെ പത്തോവര്‍ സ്പെല്ലില്‍ വെറും 10 റണ്‍സ് മാത്രം വിട്ടു നല്‍കി ഷഹ്ബാസ് നദീം 8 വിക്കറ്റാണ് രാജ്സഥാനെതിരെ നേടിയത്.

4 മെയിഡനുകള്‍ ഇതില്‍ ഉള്‍പ്പെടുന്നു. 28.3 ഓവറില്‍ രാജസ്ഥാന്‍ 73 റണ്‍സിനു ഓള്‍ഔട്ട് ആവുകയായിരുന്നു. 10 ഓവറില്‍ ആദ്യ വിക്കറ്റ് നഷ്ടമായ രാജസ്ഥാന്‍ ഒന്നാം വിക്കറ്റ് കൂട്ടുകെട്ടില്‍ 32 റണ്‍സ് നേടിയിരുന്നു. അതിനു ശേഷം തുടരെ തുടരെ വിക്കറ്റുകള്‍ വീണപ്പോള്‍ പിന്നീട് ടീമിനു കരകയറുവാന്‍ സാധിക്കാതെ പോകുകയായിരുന്നു. 20 റണ്‍സ് നേടിയ അങ്കിത് എസ് ലാംബ, 17 റണ്‍സ് നേടിയ എവി ഗൗതം, 15 റണ്‍സ് നേടിയ റോബിന്‍ ബിഷ്ട് എന്നിവര്‍ മാത്രമാണ് രാജസ്ഥാന്‍ നിരയില്‍ ഇരട്ട അക്കം കടന്നത്.