ഉത്തരാഖണ്ഡിന്റെ ക്വാര്‍ട്ടര്‍ മോഹങ്ങളെ തകര്‍ത്തെറിഞ്ഞ് അനുജ് റാവത്ത് – പ്രദീപ് സാംഗ്വാന്‍ കൂട്ടുകെട്ട്

Anujrawat
- Advertisement -

വിജയ് ഹസാരെ ട്രോഫി ക്വാര്‍ട്ടര്‍ ഫൈനലില്‍ കടന്ന് ഡല്‍ഹി. പ്ലേറ്റ് ഗ്രൂപ്പ് ജേതാക്കളായി എത്തിയ ഉത്തരാഖണ്ഡ് എലൈറ്റ് ഗ്രൂപ്പില്‍ നിന്നുള്ള ഡല്‍ഹിയെ അട്ടിമറിയ്ക്കുമെന്ന് തോന്നിപ്പിച്ചുവെങ്കിലും ഡല്‍ഹിയുടെ ഏഴാം വിക്കറ്റ് കൂട്ടുകെട്ട് മത്സരം മാറ്റി മറിയ്ക്കുകയായിരുന്നു. ആദ്യം ബാറ്റ് ചെയ്ത ഉത്തരാഖണ്ഡ് 287/8 എന്ന സ്കോര്‍ നേടിയപ്പോള്‍ ഡല്‍ഹിയ്ക്ക് 6 വിക്കറ്റ് നഷ്ടത്തില്‍ 48.3 ഓവറില്‍ ഈ ലക്ഷ്യം മറികടക്കുകയായിരുന്ന.

81 റണ്‍സ് നേടിയ നിതീഷ് റാണ് ഒഴികെ ഡല്‍ഹി  നിരയില്‍ ടോപ് ഓര്‍ഡറില്‍ ആരും തന്നെ റണ്‍സ് കണ്ടെത്താനാകാതെ പോയപ്പോള്‍ റാണയുടെ വിക്കറ്റ് നഷ്ടപ്പെടുമ്പോള്‍ ഡല്‍ഹി 32.3 ഓവറില്‍ 146/6 എന്ന നിലയില്‍ ആയിരുന്നു.

ഇവിടെ നിന്ന് ഡല്‍ഹിയുടെ വിജയ സാധ്യത നിലനിര്‍ത്തിയത് ഏഴാം വിക്കറ്റില്‍ അനുജ് റാവത്തും പ്രദീപ് സാംഗ്വാനും ചേര്‍ന്നായിരുന്നു. ഇരു താരങ്ങളും അര്‍ദ്ധ ശതകങ്ങള്‍ പൂര്‍ത്തിയാക്കി മികച്ച രീതിയില്‍ ബാറ്റ് വീശിയപ്പോള്‍ അവസാന രണ്ടോവറില്‍ ലക്ഷ്യം 15 റണ്‍സായി മാറി.

അനുജ് റാവത്ത് 7 ഫോറും 6 സിക്സും സഹിതം 85 പന്തില്‍ നിന്ന് 95 റണ്‍സ് നേടി പുറത്താകാതെ നിന്നപ്പോള്‍ പ്രദീപ് സാംഗ്വാന്‍ 58 റണ്‍സ് നേടി മികച്ച പിന്തുണയാണ് അനുജിന് നല്‍കിയത്. 143 റണ്‍സാണ് ഇരുവരും ചേര്‍ന്ന് ഏഴാം വിക്കറ്റില്‍ നേടിയത്.

Advertisement