ഇംഗ്ലണ്ടിനെതിരെയുള്ള ടെസ്റ്റ് പരമ്പരയ്ക്ക് ശേഷം അന്താരാഷ്ട്ര ക്രിക്കറ്റില് നിന്ന് താന് വിരമിക്കുമെന്ന് അറിയിച്ച് ദക്ഷിണാഫ്രിക്കന് ഓള്റൗണ്ടര് വെറോണ് ഫിലാന്ഡര്. ദക്ഷിണാഫ്രിക്കയ്ക്കായി എല്ലാ ഫോര്മാറ്റുകളിലായി 97 മത്സരങ്ങളാണ് താരം കളിച്ചിട്ടുള്ളത്. ടി20യില് ഏഴ് തവണയും ഏകദിനത്തില് 30 മത്സരങ്ങളും കളിച്ച താരം ഏകദിനത്തില് അരങ്ങേറ്റം കുറിച്ചത് 2007ല് ആണ്.
ടെസ്റ്റ് ഫോര്മാറ്റിലാണ് താരം കൂടുതലായി തിളങ്ങിയിട്ടുള്ളത്. 216 വിക്കറ്റുകള് നേടിയിട്ടുള്ള താരം ടെസ്റ്റില് ദക്ഷിണാഫ്രിക്കയുടെ ഏഴാമത്തെ മികച്ച വിക്കറ്റ് വേട്ടക്കാരനായാണ് നിലകൊള്ളുന്നത്. 2012ലെ ദക്ഷിണാഫ്രിക്കന് ക്രിക്കറ്ററായും താരം തിരഞ്ഞെടുക്കപ്പെട്ടു.