ഇന്നലെ നടന്ന അണ്ടര് 19 ലോകകപ്പ് മത്സരങ്ങളില് വിജയം കരസ്ഥമാക്കി പാക്കിസ്ഥാന്, ബംഗ്ലാദേശ്, ഇംഗ്ലണ്ട് എന്നിവര്. അഫ്ഗാനിസ്ഥാനെതിരെ 24 റൺസ് വിജയം പാക്കിസ്ഥാന് നേടിയപ്പോള് ഇംഗ്ലണ്ട് യുഎഇയെ തകര്ത്തത് 189 റൺസിനാണ്. കാനഡയ്ക്കെതിരെ 8 വിക്കറ്റ് വിജയം ബംഗ്ലാദേശ് നേടി.
ഇന്നലെ നടന്നതിൽ ആവേശകരമായ മത്സരമായിരുന്നു പാക്കിസ്ഥാനും അഫ്ഗാനിസ്ഥാനും തമ്മിൽ നടന്നത്. ആദ്യം ബാറ്റ് ചെയ്ത പാക്കിസ്ഥാന് 239/9 എന്ന സ്കോര് മാത്രമേ നേടാനായുള്ളുവെങ്കിലും ടീം അഫ്ഗാനിസ്ഥാനെ 215/9 എന്ന സ്കോറിലൊതുക്കിയാണ് രണ്ടാം വിജയം നേടിയത്.
യുഎഇയ്ക്കെതിരെ ആദ്യം ബാറ്റ് ചെയ്ത ഇംഗ്ലണ്ട് 362/6 എന്ന സ്കോര് നേടിയ ശേഷം എതിരാളികളെ 173 റൺസിന് പുറത്താക്കുകയായിരുന്നു. 154 റൺസ് നേടി പുറത്താകാതെ നിന്ന ടോം പ്രെസ്റ്റാണ് ഇംഗ്ലണ്ട് നിരയിലെ സൂപ്പര് താരം.ബൗളിംഗിൽ ഇംഗ്ലണ്ടിനായി രെഹാന് അഹമ്മദ് 4 വിക്കറ്റ് നേടി.
ആദ്യം ബാറ്റ് ചെയ്ത കാനഡയെ 136 റൺസിന് ഒതുക്കിയ ശേഷം ആണ് ബംഗ്ലാദേശ് 2 വിക്കറ്റ് നഷ്ടത്തിൽ വിജയം കരസ്ഥമാക്കിയത്.