അണ്ടര്‍ 19 ലോകകപ്പിൽ മൂന്നാം സ്ഥാനക്കാര്‍ക്കുള്ള പോരാട്ടത്തിൽ അഫ്ഗാനിസ്ഥാന്റെ നടുവൊടിച്ച് ഓസ്ട്രേലിയ. അഫ്ഗാനിസ്ഥാന്‍ 201 റൺസ് മാത്രം നേടിയപ്പോള്‍ ഓസ്ട്രേലിയയ്ക്കായി തിളങ്ങിയത് ഇന്ത്യന്‍ വംശജനായ നിവേതന്‍ രാധാകൃഷ്ണനാണ്. തന്റെ പത്തോവര്‍ സ്പെല്ലിൽ രണ്ട് മെയ്ഡന്‍ ഓവറുകള്‍ എറിഞ്ഞ താരം വെറും 31 റൺസ് വിട്ട് നല്‍കിയാണ് മൂന്ന് വിക്കറ്റ് നേടിയത്.
81 റൺസ് നേടിയ ഇജാസ് അഹമ്മദ് അഹമ്മദ്സായി ആണ് അഫ്ഗാന്‍ നിരയിലെ ടോപ് സ്കോറര്‍. മുഹമ്മദ് ഇഷാഖ്(34), സുലിമാന്‍ സാഫി(37) എന്നിവരാണ് റൺസ് കണ്ടെത്തിയ മറ്റു താരങ്ങള്‍. ഓസ്ട്രേലിയയ്ക്കായി വില്യം സൽസ്മാനും മൂന്ന് വിക്കറ്റ് നേടി. ക്യാപ്റ്റന്‍ കൂപ്പര്‍ കോണ്ണോലി 2 വിക്കറ്റ് സ്വന്തമാക്കി.
2017, 18 വര്‍ഷങ്ങളിൽ തമിഴ്നാട് പ്രീമിയര്‍ ലീഗിൽ കളിച്ചിട്ടുള്ളയാളാണ് നിവേതന്‍. 2021ൽ ഡല്‍ഹി ക്യാപിറ്റൽസിന്റെ നെറ്റ് ബൗളറുമായിരുന്നു നിവേതന്‍.
