അവസാന ഓവർ വരെ ആവേശം നിറഞ്ഞ മത്സരത്തിൽ ശ്രീലങ്കക്കെതിരെ 3 വിക്കറ്റ് ജയം ജയം സ്വന്തമാക്കി ന്യൂസിലാൻഡ്. ആദ്യം ബാറ്റ് ചെയ്ത ശ്രീലങ്ക 9 വിക്കറ്റ് നഷ്ടത്തിൽ 242 റൺസാണ് എടുത്തത്. തുടർന്ന് ബാറ്റ് ചെയ്ത ന്യൂസിലാൻഡ് 7 വിക്കറ്റ് നഷ്ടത്തിൽ ഒരു പന്ത് ബാക്കി നിൽക്കെ മത്സരം സ്വന്തമാക്കുകയായിരുന്നു.
അവസാന ഓവറുകളിൽ ആക്രമിച്ചു കളിച്ച വിക്രമസിംഗെയും ദിനുഷയുമാണ് ശ്രീലങ്കക്ക് പൊരുതാവുന്ന സ്കോർ സമ്മാനിച്ചത്. വിക്രമസിംഗെ 64 റൺസും ദിനുഷ 46 റൺസുമാണ് എടുത്തത്. ന്യൂസിലാൻഡിനു വേണ്ടി ആദിത്യ അശോക് 3 വിക്കറ്റ് വീഴ്ത്തി.
തുടർന്ന് ബാറ്റ് ചെയ്ത ന്യൂസിലാൻഡ് ഒരു പന്ത് ബാക്കി നിൽക്കെ 243 റൺസ് എടുത്ത് വിജയം ഉറപ്പിക്കുകയായിരുന്നു. 86 റൺസ് എടുത്ത ഓപ്പണർ റൈസ് മരിയുവിന്റെയും 80 റൺസ് എടുത്ത വീലർ ഗ്രീനാളിന്റെയും പ്രകടനമാണ് അവർക്ക് ജയം നേടിക്കൊടുത്തത്.
