U-19 ഏഷ്യ കപ്പ് ഫൈനല്‍ ആവര്‍ത്തിച്ച് അഫ്ഗാനിസ്ഥാന്‍

Sports Correspondent

Download the Fanport app now!
Appstore Badge
Google Play Badge 1

യൂത്ത് ലോകകപ്പിലും പാക്കിസ്ഥാനെ വീഴ്ത്തി അഫ്ഗാനിസ്ഥാന്‍. ഇന്ന് ന്യൂസിലാണ്ടില്‍ ആരംഭിച്ച U-19 ലോകകപ്പിലെ ആദ്യ മത്സരത്തിലാണ് പാക്കിസ്ഥാനെ വീഴ്ത്തി അഫ്ഗാനിസ്ഥാന്‍ തങ്ങളുടെ ടൂര്‍ണ്ണമെന്റിനു വിജയത്തുടക്കം കുറിച്ചത്. 5 വിക്കറ്റ് ജയമാണ് ഇന്ന് അഫ്ഗാനിസ്ഥാന്‍ കുറിച്ചത്. ആദ്യം ബാറ്റ് ചെയ്ത പാക്കിസ്ഥാന്‍ 47.4 ഓവറില്‍ 188 റണ്‍സിനു ഓള്‍ഔട്ട് ആയപ്പോള്‍ അഫ്ഗാനിസ്ഥാന്‍ 5 വിക്കറ്റ് നഷ്ടത്തില്‍ ലക്ഷ്യം മറികടക്കുകയായിരുന്നു.

81 റണ്‍സ് നേടിയ റോഹൈല്‍ നാസിറിനു മികച്ച പിന്തുണ നല്‍കാന്‍ മറ്റു പാക് താരങ്ങള്‍ക്ക് കഴിയാതെ പോയതാണ് ടീമിനു തിരിച്ചടിയായത്. അഫ്ഗാനിസ്ഥാനായി അസ്മത്തുള്ള, ഖായിസ് അഹമ്മദ് എന്നിവര്‍ മൂന്ന് വീതം വിക്കറ്റ് നേടിയപ്പോള്‍ നായകന്‍ നവീന്‍-ഉള്‍-ഹക്ക് രണ്ട് വിക്കറ്റ് വീഴ്ത്തി.

മറുപടി ബാറ്റിംഗിനിറങ്ങിയ അഫ്ഗാനിസ്ഥാനു 47.3 ഓവറിലാണ് വിജയം നേടാനായത്. ദാര്‍വിഷ് റസൂലി 76 റണ്‍സുമായി പുറത്താകാതെ നിന്നപ്പോള്‍ ഇക്രം അലി ഖില്‍(46), റഹമാനുള്ള(31) എന്നിവര്‍ നിര്‍ണ്ണായകമായ സംഭാവനകള്‍ ബാറ്റ് കൊണ്ട് നല്‍കി. സ്കോറുകള്‍ സമനിലയിലായപ്പോള്‍ സിക്സര്‍ പറത്തിയാണ് റസൂലി അഫ്ഗാനിസ്ഥാനെ വിജയത്തിലേക്ക് നയിച്ചത്.

കൂടുതൽ കായിക വാർത്തകൾക്ക് : www.facebook.com/FanportOfficial