കോഗ്നബിനെതിരെ 19 റണ്‍സ് വിജയവുമായി എച്ച്&ആര്‍ ബ്ലോക്ക് വൈറ്റ്സ്

- Advertisement -

ടെക്നോപാര്‍ക്ക് പ്രീമിയര്‍ ലീഗിന്റെ രണ്ടാം ഘട്ടത്തില്‍ 19 റണ്‍സ് വിജയം കരസ്ഥമാക്കി എച്ച്&ആര്‍ ബ്ലോക്ക് വൈറ്റ്സ്. ഇന്ന് നടന്ന മത്സരത്തില്‍ എതിരാളികളായ കോഗ്നബിനെയാണ് ടീം പരാജയപ്പെടുത്തിയത്. ആദ്യം ബാറ്റ് ചെയ്ത എച്ച്&ആര്‍ 5 വിക്കറ്റ് നഷ്ടത്തില്‍ 78 റണ്‍സാണ് എട്ടോവറില്‍ നേടിയത്. 24 റണ്‍സുമായി പുറത്താകാതെ നിന്ന ജയന്‍ രഘു, 23 റണ്‍സ് നേടിയ ശരത്ത് എന്നിവരാണ് ടീമിനായി തിളങ്ങിയത്.

കോഗ്നബിന് വേണ്ടി ചന്ദ്രബോസ് 17 പന്തില്‍ പുറത്താകാതെ 31 റണ്‍സ് നേടിയപ്പോള്‍ മറ്റു താരങ്ങളില്‍ നിന്ന് സമാനമായൊരു ഇന്നിംഗ്സ് വരാതിരുന്നത് കോഗ്നബിന് തിരിച്ചടിയായി. 14 റണ്‍സ് നേടിയ കൃഷ്ണകുമാറാണ് മറ്റൊരു പ്രധാന സ്കോറര്‍. മിഥുന്‍ ലാല്‍ എച്ച്&ആര്‍ ബ്ലോക്കിന് വേണ്ടി രണ്ട് വിക്കറ്റഅ നേടി. കോഗ്നബ് 5 വിക്കറ്റ് നഷ്ടത്തില്‍ 59 റണ്‍സാണ് നേടിയത്.

Advertisement