എട്ട് പേരുമായി എത്തി, 34 റണ്‍സ് വിജയം നേടി അലോകിന്‍

- Advertisement -

എസ്ഇഎം സ്ട്രൈക്കേഴ്സിനെതിരെ 34 റണ്‍സിന്റെ വിജയത്തോടെ അലോകിന്‍. മത്സരത്തില്‍ ആദ്യം ബാറ്റ് ചെയ്ത അലോകിന്‍ 8 ഓവറില്‍ നിന്ന് 64 റണ്‍സാണ് 6 വിക്കറ്റ് നഷ്ടത്തില്‍ നേടിയത്. 11 ഓവറില്‍ 19 റണ്‍സ് നേടിയ ഇര്‍ഷാദ് മേലെതില്‍ ടീമിനെ മുന്നോട്ട് നയിച്ചപ്പോള്‍ അനില്‍ എസ് നായര്‍(9*), ശ്രീരാഗ്(7) എന്നിവര്‍ ഒപ്പം കൂടി. എന്നാല്‍ ഇര്‍ഷാദ് വേഗത്തില്‍ പുറത്തായപ്പോള്‍ അത് അലോകിനെ വലിയ സ്കോറിലേക്ക് എത്തുന്നതില്‍ നിന്ന് തടഞ്ഞു. എസ്ഇഎം സ്ട്രൈക്കേഴ്സിന് വേണ്ടി ടിആര്‍ അനീഷ് 2 വിക്കറ്റ് നേടി.

ബൗളിംഗില്‍ ബി രാജേഷും വൈശാഖും തുടക്കത്തില്‍ തന്നെ സ്ട്രൈക്കേഴ്സിന് തിരിച്ചടി സമ്മാനിച്ചു. 13/6 എന്ന നിലയിലേക്ക് തകര്‍ന്ന സ്ട്രൈക്കേഴ്സിന് പിന്നെ ആ തകര്‍ച്ചയില്‍ നിന്ന് കരകയറുവാനായിരുന്നില്ല. രാജേഷ് മൂന്നും വൈശാഖ് രണ്ടും വിക്കറ്റ് നേടിയപ്പോള്‍ 8 ഓവറില്‍ 8 വിക്കറ്റ് നഷ്ടത്തില്‍ 30 റണ്‍സില്‍ സ്ട്രൈക്കേഴ്സിന്റെ ഇന്നിംഗ്സ് അവസാനിച്ചു. 10 റണ്‍സുമായി പുറത്താകാതെ നിന്ന മഹേന്ദ്ര മോഹന്‍ ആണ് സ്ട്രൈക്കേഴ്സിന്റെ ടോപ് സ്കോറര്‍.

Advertisement